Кыргыз Республикасынын Министрлер Кабинетинин Төрагасынын

2023-жылдын 8-сентябрындагы № 466 тескемесине ылайык

КҮЧҮН ЖОГОТТУ

КЫРГЫЗ РЕСПУБЛИКАСЫНЫН ПРЕМЬЕР-МИНИСТРИ

БУЙРУК

2021-жылдын 23-марты № 231

Кыргыз Республикасынын Өкмөтүнүн түзүмүндөгү өзгөрүүлөргө, ошондой эле аткаруу бийлигинин мамлекеттик органдарынын кайра өзгөрүүсүнө байланыштуу, Кыргыз Республикасынын Өкмөтүнүн 2006-жылдын 13-декабрындагы № 853 токтому менен бекитилген Кыргыз Республикасынын Өкмөтүнүн Ардак грамотасы жөнүндө жобонун 17-пунктуна ылайык:

Кыргыз Республикасынын Премьер-министринин 2015-жылдын 3-апрелиндеги № 82 буйругуна төмөнкүдөй өзгөртүү киргизилсин:

- жогоруда аталган буйрук менен түзүлгөн Кыргыз Республикасынын Өкмөтүнүн Ардак грамотасы менен сыйлоо боюнча комиссиянын курамы ушул буйруктун тиркемесине ылайык редакцияда баяндалсын.

Кыргыз Республикасынын Өкмөтүнүн Ардак грамотасы менен сыйлоо боюнча комиссиянын КУРАМЫ

Кыргыз Республикасынын Өкмөтүнүн Аппарат жетекчиси - министр, Комиссиянын төрагасы;

Кыргыз Республикасынын Өкмөтүнүн Аппаратынын кадрлар маселелерин тейлеген түзүмдүк бөлүмүнүн жетекчиси, Комиссиянын төрагасынын орун басары;

Кыргыз Республикасынын Өкмөтүнүн Аппаратынын кадрлар маселелерин тейлеген түзүмдүк бөлүмүнүн эксперти, Комиссиянын катчысы.

Комиссиянын мүчөлөрү:

Кыргыз Республикасынын юстиция министри;

Кыргыз Республикасынын экономика жана финансы министринин биринчи орун басары;

Кыргыз Республикасынын Өкмөтүнүн Аппаратынын төмөнкү маселелерди тейлеген түзүмдүк бөлүмдөрүнүн жетекчилери:

- уюштуруу-инспектордук иштер;

- укуктук экспертиза;

- социалдык өнүктүрүү;

- билим берүү, маданият жана спорт;

- агроөнөр жай комплекси жана экология бөлүмү;

- курулуш, транспорт жана коммуникациялар бөлүмү;

- коргоо, укуктук тартип жана өзгөчө кырдаалдар бөлүмү.".