КР Министрлер Кабинетинин 2022-жылдын 14-январындагы № 8-т (Гуманитардык жардамды бөлүштүрүү тартиби жонундо) тескемеси

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИ

ТЕСКЕМЕ

2022-жылдын 14-январы № 8-т

Калктын социалдык аялуу катмарына колдоо жана гуманитардык жардам көрсөтүү максатында, "Мамлекеттик материалдык резерв жөнүндө" Кыргыз Республикасынын Мыйзамынын 4, 9 жана 12-беренелерине, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Өзгөчө кырдаалдар министрлигине караштуу Мамлекеттик материалдык резерв фонду 11467,15 тонна (он бир миң төрт жүз алтымыш жети тонна бир жүз элүү килограмм) өлчөмүндөгү биринчи сорттогу унду Кыргыз Республикасынын Президентинин облустардагы ыйгарым укуктуу өкүлдөрүнүн аппараттарына, Бишкек жана Ош шаарларынын мэрияларына (макулдашуу боюнча) 1-тиркемеге ылайык берсин.

2. Ушул тескеменин 1-пунктунда көрсөтүлгөн Гуманитардык жардамды бөлүштүрүү тартиби 2-тиркемеге ылайык бекитилсин.

3. Кыргыз Республикасынын Өзгөчө кырдаалдар министрлиги ушул тескеменин 1-пунктунда көрсөтүлгөн гуманитардык жардамды райондук борборлорго жана облустук маанидеги шаарларга жеткирүүнү уюштурсун.

4. Кыргыз Республикасынын Финансы министрлиги 2022-жылга бекитилген бюджеттин алкагында Кыргыз Республикасынын Өзгөчө кырдаалдар министрлигине гуманитардык жардамды жеткирүүнү уюштуруу үчүн 11765709 (он бир миллион жети жүз алтымыш беш миң жети жүз тогуз) сом суммасындагы каражатты өз убагында бөлүүнү камсыз кылсын.

5. Кыргыз Республикасынын Президентинин облустардагы ыйгарым укуктуу өкүлдөрүнүн аппараттары, Бишкек жана Ош шаарларынын мэриялары (макулдашуу боюнча) гуманитардык жардамды 3-тиркемеге ылайык маалыматтардын (разнарядканын) негизинде бөлүштүрүүнү камсыз кылсын.

6. Бишкек шаарынын мэриясы (макулдашуу боюнча) гуманитардык жардамды бөлүштүрүүдө калктуу конуш (жаңы конуш) статусуна ээ эмес турак жай массивдеринде жашаган, оор турмуштук кырдаалга туш болгон жарандардын категориясын эске алсын.

7. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.

Калктын социалдык аялуу катмарына гуманитардык жардам көрсөтүү максатында мамлекеттик резервди жооптуу сактоочу ишканалар тарабынан биринчи сорттогу унду БЕРҮҮ

1. "Карасу-Дан-Азык" ачык акционердик коому, Кыргыз Республикасынын Ош облусунун Кара-Суу районундагы Кара-Суу шаары:

- Ош облусу;

- Баткен облусу;

- Ош шаары.

2. "Азрат-Айыб" ачык акционердик коому, "Дан-ЮГ" жоопкерчилиги чектелген коому, Кыргыз Республикасынын Жалал-Абад облусунун Жалал-Абад шаары:

- Жалал-Абад облусу.

3. "Дан" мамлекеттик ишканасы, Кыргыз Республикасынын Чүй облусунун Кара-Балта шаары:

- Талас облусу;

- Жалал-Абад облусу (Токтогул району);

- Чүй облусу (Панфилов, Жайыл, Москва, Сокулук райондору);

- Бишкек шаары.

4. "Кант-Дан-Азык" ачык акционердик коому, Кыргыз Республикасынын Чүй облусунун Ысык-Ата районундагы Кант шаары:

- Чүй облусу (Аламүдүн, Ысык-Ата райондору).

5. Кыргыз Республикасынын Өзгөчө кырдаалдар министрлигине караштуу Мамлекеттик материалдык резерв фондунун түндүк аймактык башкармалыгы, Кыргыз Республикасынын Ысык-Көл облусунун Балыкчы шаары:

- Чүй облусу (Чүй, Кемин райондору);

- Ысык-Көл облусу.

6. "Алтын Дан" ачык акционердик коому, Кыргыз Республикасынын Ысык-Көл облусунун Балыкчы шаары:

- Нарын облусу.

Гуманитардык жардамды бөлүштүрүү ТАРТИБИ

1. Жергиликтүү мамлекеттик администрациялардын, шаарлардын мэрияларынын алдында гуманитардык жардамды бөлүштүрүү боюнча комиссиялар (мындан ары - Комиссия) түзүлөт.

Комиссиянын төрагасы болуп жергиликтүү мамлекеттик администрациянын башчысынын социалдык маселелерди тейлеген орун басары же шаардын вице-мэри эсептелет.

Комиссиянын төрагасынын эки орун басары болот. Биринчи орун басары болуп Кыргыз Республикасынын Эмгек, социалдык камсыздоо жана миграция министрлигинин аймактык бөлүмүнүн жетекчиси, экинчи орун басары болуп жарандык коомдун өкүлү эсептелет.

Комиссиянын курамына төмөнкүлөр кирет:

- айыл өкмөттөрүнүн башчылары, аймактык коомдук кеңештердин жана муниципалдык аймактык башкармалыктардын (шаарларда) жетекчилери;

- жергиликтүү кеңештердин депутаттары (макулдашуу боюнча);

- билим берүү чөйрөсүндөгү ыйгарым укуктуу мамлекеттик органдын өкүлү;

- саламаттык сактоо чөйрөсүндөгү ыйгарым укуктуу мамлекеттик органдын өкүлү;

- жарандык коомдун өкүлдөрү (макулдашуу боюнча);

- эмгек, социалдык камсыздоо жана миграция чөйрөсүндөгү ыйгарым укуктуу мамлекеттик органдын аймактык бөлүмүнүн өкүлү, Комиссиянын катчысы.

2. Комиссия гуманитардык жардамды жакырчылыктын деңгээлин, жөлөкпул алуучулардын болушун, турмуштук оор кырдаалга туш болгон үй-бүлөлөрдү, ошондой эле аталган аймакта жашаган гуманитардык жардамга муктаж болгон башка жарандарды эске алуу менен айыл өкмөттөр жана шаарлар боюнча бөлүштүрөт.

3. Комиссия гуманитардык жардамды өз убагында жана даректүү бөлүштүрүүнү (берүү) камсыз кылат.

4. Гуманитардык жардамды бөлүштүрүү гуманитардык жардам алууга ведомостту (мындан ары - ведомость) Гуманитардык жардамды бөлүштүрүү тартибинин тиркемесине ылайык форма боюнча милдеттүү түрдө тариздөө менен жүргүзүлөт.

5. Ведомосттогу графалар гуманитардык жардам алуучунун сөздөрү боюнча төмөнкүдөй тартипте толтурулат:

- аты-жөнү, иш жүзүндө жашаган дареги (кыскартылбастан толук жазылат);

- эскертүүдө төмөнкү маалыматтар белгиленет:

"Үй-бүлөгө көмөк" жөлөкпулун алуучу болуп эсептелеби;

ден соолугунун мүмкүнчүлүгү чектелген адам болуп саналабы;

гуманитардык жардамды алуучунун социалдык паспорту барбы;

турмуштук оор кырдаалга туш болгон үй-бүлөнүн мүчөсү болуп саналабы (үй-бүлөнү жекече өнүктүрүү планы) ж.б.;

мында ырастоочу документтер (анын ичинде ким экендигин күбөлөндүрүүчү документ) гуманитардык жардамды алуучудан жана мамлекеттик органдардан суралат.

6. Ведомосттун түп нускасы райондор аралык (райондук) эмгек, социалдык камсыздоо жана миграция башкармалыгына өткөрүп берилет, тиркеменин күбөлөндүрүлгөн көчүрмөлөрү бир нускадан райондук мамлекеттик администрацияга (мэрияга) жиберилет, көчүрмөнүн бир нускасы айыл өкмөтүндө сакталат.

7. Учурдагы/өткөн айда жардам алган же "Жумуштун ордуна азык-түлүк" схемасы боюнча БУУнун Дүйнөлүк азык-түлүк программасынын долбооруна катышып, азык-түлүк алуучулардын тизмесине кирген жарандар гуманитардык жардамды алуучулардын тизмесине киргизилбейт.

8. Башка гуманитардык уюмдар/бизнес-коомчулуктар аркылуу үй-бүлөгө жардам көрсөтүлгөн учурда мурда көрсөтүлгөн гуманитардык жардамдын көлөмү эске алынат.

Форма

______________________ облусунун ______________________ районундагы ____________________ айыл өкмөтүнүн тургундарынын гуманитардык жардам алууга ВЕДОМОСТУ

Бөлүштүрүү датасы: __________________________________________

Гуманитардык жардамдын түрү: ______________________________________

Өлчөө бирдиги: _________________________________________

3-тиркеме

Гуманитардык жардамды бөлүштүрүү жөнүндө маалыматтар (разнарядка)