Кыргыз Республикасынын Президентинин Администрациясынын Президенттин жана Министрлер Кабинетинин укуктук жактан камсыз кылуу башкармалыгы жөнүндө жобо

1. Жалпы жоболор

1. Кыргыз Республикасынын Президентинин Администрациясынын Президенттин жана Министрлер Кабинетинин укуктук жактан камсыз кылуу башкармалыгы (мындан ары - башкармалык) Кыргыз Республикасынын Президентинин Администрациясынын (мындан ары - Президенттин Администрациясы) түзүмдүк бөлүмү болуп саналат, ал башкармалыктын милдеттерине жана функцияларына кирген маселелер боюнча Кыргыз Республикасынын Президентинин (мындан ары - Президент), Кыргыз Республикасынын Министрлер Кабинетинин (мындан ары - Министрлер Кабинети), Кыргыз Республикасынын Министрлер Кабинетинин Төрагасы - Президенттин Администрациясынын Жетекчисинин (мындан ары - Министрлер Кабинетинин Төрагасы - Президенттин Администрациясынын Жетекчиси), Кыргыз Республикасынын Министрлер Кабинетинин Төрагасынын орун басарларынын (мындан ары - Министрлер Кабинетинин Төрагасынын орун басарлары) ишин камсыз кылат.

2. Башкармалык өз ишинде Кыргыз Республикасынын Конституциясын жана мыйзамдарын, Президенттин, Министрлер Кабинетинин, Министрлер Кабинетинин Төрагасы - Президенттин Администрациясынын Жетекчисинин чечимдерин, Президенттин Администрациясы жөнүндө жобону, Кыргыз Республикасынын башка ченемдик укуктук актыларын жана ушул Жобону жетекчиликке алат.

3. Башкармалыктын түзүмүнө төмөнкүлөр кирет:

1) Президенттин жана Министрлер Кабинетинин укуктук жактан камсыз кылуу бөлүмү, анын курамында кодификация сектору иштейт;

2) Президенттин жана Министрлер Кабинетинин Кыргыз Республикасынын Жогорку Кеңешиндеги, Кыргыз Республикасынын Конституциялык сотундагы өкүлчүлүгү (мындан ары - өкүлчүлүк).

Жогоруда аталган бөлүм, сектор жана өкүлчүлүк башкармалыктын курамындагы (башкармалыктагы бөлүмдүн) түзүмдүк бөлүмдөр болуп саналат.

4. Түзүмдүк бөлүмдөрдүн кызматкерлери:

- мамлекеттик кызматчылар болуп саналат;

- чечимдерди кабыл алууда Кыргыз Республикасынын Конституциясын, Кыргыз Республикасынын мыйзамдарын жана башка ченемдик укуктук актыларын жетекчиликке алууга, мамлекеттик, кызматтык жана мыйзам менен корголуучу башка сырды сактоого милдеттүү;

- Президенттин Администрациясы жөнүндө жободо жана ушул Жободо аныкталган компетенциянын чегинде мамлекеттик органдар, жергиликтүү өз алдынча башкаруу органдары, алардын кызмат адамдары, юридикалык жактар жана жарандар менен болгон мамилелерде Президенттин Администрациясынын өкүлдөрү болуп саналат.

5. Башкармалыктын кызматкерлерин кызмат ордуна дайындоо жана кызмат ордунан бошотуу Президенттин Администрациясы жөнүндө жободо белгиленген тартипте жүзөгө ашырылат.

6. Башкармалыкты башкармалыктын начальниги жетектейт, ал башкармалыктын курамына кирген түзүмдүк бөлүмдөргө жалпы жетекчиликти жүзөгө ашырат.

Башкармалыктын начальнигинин орун басары болот, ал Президенттин жана Министрлер Кабинетинин укуктук жактан камсыз кылуу бөлүмүнүн башчысы кызмат ордун айкалыштырат.

Бөлүмдүн башчысы - башкармалыктын начальнигинин орун басары башкармалыктын начальниги жок учурда жана анын тапшырмасы боюнча кызматтык документтерге кол коюу укугу менен аны алмаштырат.

Бөлүмдүн башчысы - башкармалыктын начальнигинин орун басары жок учурда анын ордун кодификациялоо секторунун башчысы же башкармалыктын начальниги менен макулдашуу боюнча бөлүмдүн башчысы тарабынан аныкталуучу бөлүмдүн эксперттеринин бири ээлейт.

Сектордун башчысы жок мезгилде аны кодификация секторунун эксперти алмаштырат.

Өкүлчүлүктүн ишин төмөнкүлөр жетектейт:

- Президенттин жана Министрлер Кабинетинин Кыргыз Республикасынын Жогорку Кеңешиндеги туруктуу өкүлү - Кыргыз Республикасынын Жогорку Кеңешинде өкүлчүлүктү камсыздоо бөлүгүндө;

- Президенттин жана Министрлер Кабинетинин Кыргыз Республикасынын Конституциялык сотундагы туруктуу өкүлү -Кыргыз Республикасынын Конституциялык сотундагы өкүлчүлүктү камсыздоо бөлүгүндө.

Кыргыз Республикасынын Жогорку Кеңешиндеги туруктуу өкүлдүн орун басары болот, ал туруктуу өкүл жок учурда аны алмаштырат.

Кыргыз Республикасынын Конституциялык сотундагы туруктуу өкүл жок учурда анын ордун башкармалыктын начальнигинин тапшырмасы боюнча бөлүмдүн башчысы - башкармалыктын начальнигинин орун басары ээлейт.

2. Башкармалыктын милдеттери

7. Башкармалык белгиленген компетенциянын чегинде Министрлер Кабинетинин Төрагасы - Президенттин Администрациясынын Жетекчиси тарабынан бекитилүүчү Президенттин Администрациясынын түзүмдүк бөлүмдөрүнүн жалпы милдеттери, функциялары жана ыйгарым укуктары жөнүндө жободо каралган жалпы милдеттерди, ошондой эле анын курамына кирген бөлүмгө (секторго) жана өкүлчүлүккө жүктөлгөн негизги милдеттерден түзүлүүчү өзгөчө милдеттерди ишке ашырат.

2.1. Президенттин жана Министрлер Кабинетинин укуктук жактан камсыз кылуу бөлүмүнүн негизги милдеттери

8. Президенттин жана Министрлер Кабинетинин укуктук жактан камсыз кылуу бөлүмүнүн негизги милдеттери төмөнкүлөр болуп саналат:

1) конституциялык ыйгарым укуктарын ишке ашыруу боюнча Президенттин ишин укуктук жактан камсыз кылуу;

2) Министрлер Кабинетинин, Министрлер Кабинетинин Төрагасы - Президенттин Администрациясынын Жетекчисинин, Министрлер Кабинетинин Төрагасынын орун басарларынын жана Президенттин Администрациясынын ишин укуктук жактан камсыз кылуу;

3) Президент, Министрлер Кабинети, Министрлер Кабинетинин Төрагасы - Президенттин Администрациясынын Жетекчиси, Президенттин Администрациясы кабыл алган чечимдерге укуктук талдоо жүргүзүү жана Кыргыз Республикасынын мыйзамдарына (мындан ары - мыйзамдар) шайкештигин камсыз кылуу;

4) башкармалыктын компетенциясына кирген маселелер боюнча Президенттин жана Министрлер Кабинетинин ченем жаратуучу ишин өркүндөтүү;

5) укуктук реформа маселелери боюнча Президенттин мамлекеттик органдар жана жарандык коом менен өз ара аракеттенүүсүн камсыз кылууга катышуу;

6) мамлекеттик органдардын мыйзам жаратуу ишин өркүндөтүү маселелери боюнча Президенттин, Министрлер Кабинетинин, Министрлер Кабинетинин Төрагасы - Президенттин Администрациясынын Жетекчисинин, Министрлер Кабинетинин Төрагасынын орун басарларынын ишин маалыматтык-аналитикалык жана эксперттик-болжолдоо менен камсыз кылуу;

7) башкармалыктын компетенциясына кирген маселелер боюнча узак мөөнөттүү жана орто мөөнөттүү мезгилге мамлекетти өнүктүрүү стратегиясын ишке ашырууну жана Президенттин, Министрлер Кабинетинин, Министрлер Кабинетинин Төрагасы - Президенттин Администрациясынын Жетекчисинин актыларын аткарууну камсыз кылуу.

9. Кодификация секторунун негизги милдеттери болуп кабыл алынган мыйзамдарды, Президенттин жарлыктарын жана тескемелерин, Министрлер Кабинетинин токтомдорун жана тескемелерин, Министрлер Кабинетинин Төрагасынын тескемелерин (Президенттин Администрациясынын Жетекчисинин тескемелерин) системалаштыруу жана кодификациялоо - актылардын кагаз нускаларын эсепке алуу жана контролдук абалда кармоо.

2.2. Президенттин жана Министрлер Кабинетинин Кыргыз Республикасынын Жогорку Кеңешиндеги, Кыргыз Республикасынын Конституциялык сотундагы өкүлчүлүгүнүн негизги милдеттери

10. Өкүлчүлүктүн компетенциясына кирген негизги милдеттер болуп төмөнкүлөр саналат:

1) Президенттин, Министрлер Кабинетинин, Министрлер Кабинетинин Төрагасы - Президенттин Администрациясынын Жетекчисинин кызыкчылыктарын Кыргыз Республикасынын Жогорку Кеңешинде (мындан ары - Жогорку Кеңеш), Кыргыз Республикасынын Конституциялык сотунда (мындан ары - Конституциялык сот) билдирүү;

2) Президенттин жана Министрлер Кабинетинин Төрагасы - Президенттин Администрациясынын Жетекчисинин мыйзам чыгаруу демилгелеринин Жогорку Кеңеште өтүшүн контролдоону камсыз кылуу;

3) Президенттин, Министрлер Кабинетинин, министрликтердин, административдик ведомстволордун жана аткаруу бийлигинин башка органдарынын, жергиликтүү мамлекеттик администрациялардын жана жергиликтүү өз алдынча башкаруу органдарынын Жогорку Кеңеш менен натыйжалуу жана оперативдүү өз ара аракеттенүүсүн камсыз кылуу;

4) Президенттин, Министрлер Кабинетинин жана Конституциялык соттун ортосунда натыйжалуу өз ара аракеттенүүнү камсыз кылуу.

3. Башкармалыктын функциялары

11. Башкармалык Министрлер Кабинетинин Төрагасы - Президенттин Администрациясынын Жетекчиси бекиткен Президенттин Администрациясынын түзүмдүк бөлүмдөрүнүн жалпы милдеттери, функциялары жана ыйгарым укуктары жөнүндө жободо каралган жалпы функцияларды, ошондой эле анын курамына кирген бөлүмгө (секторго) жана өкүлчүлүккө жүктөлгөн функциялардан түзүлүүчү өзгөчө функцияларды аткарат.

3.1. Президенттин жана Министрлер Кабинетинин укуктук жактан камсыз кылуу бөлүмүнүн өзгөчө функциялары

12. Президенттин жана Министрлер Кабинетинин укуктук жактан камсыз кылуу бөлүмү жүктөлгөн милдеттердин алкагында төмөнкүдөй өзгөчө функцияларды аткарат:

1) Президентке кол коюуга киргизилүүчү мыйзамдарга укуктук жактан экспертиза жүргүзөт;

2) мыйзамдарды кайтарып берүү үчүн мыйзамдарда белгиленген тартипте Президенттин каршы пикирлерин даярдайт;

3) мыйзамдардын, Президенттин жарлыктарынын жана тескемелеринин, Жогорку Кеңештин токтомдорунун, Министрлер Кабинетинин токтомдорунун жана тескемелеринин, Министрлер Кабинетинин Төрагасынын тескемелеринин (Президенттин Администрациясынын Жетекчисинин тескемелеринин) долбоорлоруна, башка актыларга жана укуктук документтерге бөлүмдүн компетенциясына кирген маселелер боюнча укуктук жактан экспертиза жүргүзөт;

4) мыйзамдардын, Президенттин жарлыктарынын, тескемелеринин, Министрлер Кабинетинин токтомдорунун жана тескемелеринин, Министрлер Кабинетинин Төрагасынын тескемелеринин (Президенттин Администрациясынын Жетекчисинин тескемелеринин) долбоорлорун жана башка документтерди бөлүмдүн компетенциясына кирген маселелер боюнча иштеп чыгат;

5) мыйзам жаратуу иши боюнча аналитикалык материалдарды даярдайт;

6) Президенттин Администрациясынын түзүмдүк бөлүмдөрүнө укуктук консультация берет;

7) тейлеген багыттар боюнча ченемдик укуктук актылардын долбоорлорун жана башка документтерди Президенттин Администрациясында жол-жоболоштуруп коштойт.

13. Кодификация сектору жүктөлгөн милдеттердин алкагында төмөнкүдөй функцияларды аткарат:

1) мыйзамдардын, Президенттин жарлыктарынын жана тескемелеринин, Министрлер Кабинетинин токтомдорунун жана тескемелеринин, Министрлер Кабинетинин Төрагасынын тескемелеринин (Президенттин Администрациясынын Жетекчисинин тескемелеринин) контролдук нускаларын системалаштырат жана жүргүзөт;

2) мыйзам тармактарынын жалпы укуктук классификаторун жүргүзөт;

3) Президентти, Министрлер Кабинетинин Төрагасы Президенттин Администрациясынын Жетекчисин, Министрлер Кабинетинин Төрагасынын орун басарларын жана Президенттин Администрациясынын түзүмдүк бөлүмдөрүн бөлүмдүн компетенциясына кирген маселелер боюнча маалымдама-маалыматтык жактан тейлөөнү уюштурат.

3.2. Президенттин жана Министрлер Кабинетинин Кыргыз Республикасынын Жогорку Кеңешиндеги, Кыргыз Республикасынын Конституциялык сотундагы өкүлчүлүгүнүн өзгөчө функциялары

14. Өкүлчүлүк жүктөлгөн милдеттерди чечүү үчүн төмөнкүдөй функцияларды жүзөгө ашырат:

1) мыйзам чыгаруу демилгесинин субъекттери тарабынан киргизилүүчү мыйзам долбоорлоруна Министрлер Кабинетинин корутундуларын өз убагында даярдоо боюнча Президенттин Администрациясынын түзүмдүк бөлүмдөрүнүн, министрликтердин, административдик ведомстволордун жана аткаруу бийлигинин башка органдарынын, жергиликтүү мамлекеттик администрациялардын жана жергиликтүү өз алдынча башкаруу органдарынын ишин жалпы координациялоону жана мониторинг жүргүзүүнү камсыз кылат;

2) Жогорку Кеңеш тарабынан мыйзам долбоорлорун кабыл алууда Президенттин, Министрлер Кабинетинин позициясын билдирет;

3) Президенттин тапшырмасы боюнча Жогорку Кеңештин жыйналыштарында Жогорку Кеңеш тарабынан кабыл алынган мыйзамдарга Президенттин каршы пикирин билдирет;

4) Президенттин Администрациясынын түзүмдүк бөлүмдөрүнүн, министрликтердин, административдик ведомстволордун жана аткаруу бийлигинин башка органдарынын, жергиликтүү мамлекеттик администрациялардын жана жергиликтүү өз алдынча башкаруу органдарынын Жогорку Кеңеште "өкмөттүк күнгө" жана "өкмөттүк саатка" материалдарды даярдоо боюнча ишин координациялайт;

5) Президентке, Министрлер Кабинетинин Төрагасы Президенттин Администрациясынын Жетекчисине, Министрлер Кабинетинин Төрагасынын орун басарларына, Президенттин Администрациясынын башкармалыктарынын начальниктерине Жогорку Кеңештин иши, Жогорку Кеңештеги мыйзам чыгаруу процессинин абалы жөнүндө маалымдайт;

6) Жогорку Кеңештин жыйналыштарында "Ар түрдүү маселелер" бөлүмүндө айтылган Жогорку Кеңештин депутаттарынын суроо-талаптарын аткаруу боюнча тиешелүү иштерди жүзөгө ашырат;

7) Президент тарабынан киргизилген талапкерлерди шайлоо, бошотуу, ошондой эле аларга макулдук берүү үчүн Кыргыз Республикасынын Конституциясына ылайык Жогорку Кеңешке сунуштайт;

8) Президенттин тапшырмасы боюнча айрым жерлерде өзгөчө абалды киргизүү жөнүндө; Кыргыз Республикасына агрессия же түздөн-түз агрессия коркунучу болгон учурда согуш абалын жарыялоо, согуш абалын киргизүү жөнүндө Президенттин жарлыктарын Жогорку Кеңештин кароосуна киргизет;

9) Жогорку Кеңештин кезексиз сессиясын жана/же кезексиз жыйналышын чакыруу жөнүндө Президенттин сунуштарын, ошондой эле анда каралууга тийиш маселелерди сунуштайт;

10) Кыргыз Республикасынын кийинки жылга республикалык бюджетинин долбоорун жана кийинки эки жылга болжолун, ошондой эле учурдагы жылга республикалык бюджетинин аткарылышын Жогорку Кеңеште кароо процессин координациялайт;

11) Президенттин Жогорку Кеңешке ар жылдык кайрылууларын жана Жогорку Кеңештин кароосуна Президент тарабынан киргизилген башка документтерди даярдоого катышат;

12) Президенттин, Министрлер Кабинетинин Төрагасы - Президенттин Администрациясынын Жетекчисинин Жогорку Кеңештин, комитеттердин, убактылуу комиссиялардын, парламенттик фракциялардын жана депутаттык топтордун жетекчилиги менен өз ара аракеттенүүсүн бекемдөөгө, жолугушууларды уюштурууга көмөк көрсөтөт;

13) Жогорку Кеңеш менен өз ара аракеттенүү бөлүгүндө эксперттик жана жумушчу топтордун жана аткаруу бийлигинин органдарынын жана Президенттин Администрациясынын кызмат адамдарынын ишин координациялайт;

14) Министрлер Кабинетинин республикалык бюджеттин аткарылышы жөнүндө ар жылдык отчетун Жогорку Кеңеште уюштуруучулук жактан коштойт;

15) Жогорку Кеңештин жыйналышына чакырылган Министрлер Кабинетинин мүчөлөрүнүн, Президенттин, Министрлер Кабинетинин расмий өкүлдөрүнүн, министрликтердин, административдик ведомстволордун жана аткаруу бийлигинин башка органдарынын, жергиликтүү мамлекеттик администрациялардын жана жергиликтүү өз алдынча башкаруу органдарынын башка кызмат адамдарынын келүүсүн камсыз кылууда Жогорку Кеңештин Аппаратына көмөк көрсөтөт;

16) Жогорку Кеңеште Президенттин жана Министрлер Кабинетинин кызыкчылыктарын Жогорку Кеңеште билдирүүгө байланышкан маселелер боюнча Министрлер Кабинетинин мүчөлөрүн, Министрлер Кабинетинин расмий өкүлдөрүн, министрликтердин, административдик ведомстволордун жана аткаруу бийлигинин башка органдарынын, жергиликтүү мамлекеттик администрациялардын жана жергиликтүү өз алдынча башкаруу органдарынын башка кызмат адамдарын фракциялардын, комитеттердин жыйналыштарына жана Жогорку Кеңештин жыйналыштарына чакырат;

17) Жогорку Кеңеште таратылуучу зарыл болгон материалдарды жана маалыматтарды алат;

18) Жогорку Кеңештин комитеттерине, убактылуу комиссияларына, депутаттык фракцияларына жана Аппаратына өз ыйгарым укуктарын аткаруу үчүн зарыл болгон материалдарды алуу үчүн кайрылат;

19) Президент жана Министрлер Кабинетинин Төрагасы - Президенттин Администрациясынын Жетекчиси тарабынан демилгеленген жана Жогорку Кеңеште жана Президентте кароо процессинде турган мыйзам долбоорлорунун электрондук маалыматтар базасын түзөт жана контролдук абалда кармайт;

20) Министрлер Кабинетинин мыйзам чыгаруу ишин пландоого жана пландын аткарылышынын жүрүшүнө талдоо жүргүзөт;

21) Президент тарабынан четке кагылган мыйзамдардын ченемдеринин макулдашылган редакциясын иштеп чыгуу боюнча макулдашуучу комиссиялардын ишине катышат;

22) "Кыргыз Республикасынын Конституциялык соту жөнүндө" Кыргыз Республикасынын конституциялык Мыйзамында жана Конституциялык соттун регламентинде каралган бардык учурларда конституциялык соттун өндүрүшүндө Президенттин жана Министрлер Кабинетинин тарабын көрсөтөт;

23) Конституциялык сот караган маселелер боюнча Президенттин жана Министрлер Кабинетинин позициясын Конституциялык соттун судьяларынын суроо-талабы боюнча билдирет;

24) Президент жана Министрлер Кабинети Конституциялык сотко кароо үчүн киргизип жаткан материалдарды даярдоого катышат;

25) Президенттин жана Министрлер Кабинетинин атынан Конституциялык сотко киргизүүгө болжолдонуп жаткан кайрылуулардын долбоорлорун Президентке жана Министрлер Кабинетинин Төрагасы - Президенттин Администрациясынын Жетекчисине көрсөтөт;

26) Конституциялык соттун чечимдерин аткарууга мониторинг жүргүзүүгө, зарыл болгон учурда Президентке жана Министрлер Кабинетине Конституциялык соттун чечимдерин аткарууну камсыз кылуу боюнча чаралар жөнүндө сунуштарды киргизет;

27) Конституциялык соттун иши жөнүндө Президентке жана Министрлер Кабинетинин Төрагасы - Президенттин Администрациясынын Жетекчисине маалымдайт;

28) Конституциялык сот тарабынан конкреттүү иштер каралган учурда Президенттин жана Министрлер Кабинетинин укуктук позициясын иштеп чыгуу жана кызыкчылыктарын көрсөтүү үчүн корутундуларды өз учурунда даярдоо боюнча Президенттин Администрациясынын түзүмдүк бөлүмдөрүнүн жана Мамлекеттик органдардын ишин координациялайт.

4. Башкармалыктын ыйгарым укуктары

15. Башкармалык, анын курамына кирген бөлүм (сектор) жана өкүлчүлүк, башкармалыктын, анын курамына кирген бөлүмдүн (сектор) жана өкүлчүлүктүн жетекчилери жана кызматкерлери:

1) Министрлер Кабинетинин Төрагасы - Президенттин Администрациясынын Жетекчиси тарабынан бекитилген Президенттин Администрациясынын түзүмдүк бөлүмдөрүнүн жалпы милдеттери, функциялары жана ыйгарым укуктары жөнүндө жободо каралган жалпы ыйгарым укуктарга ээ;

2) Министрлер Кабинетинин регламентине, Президенттин Администрациясынын регламентине жана Президенттин Администрациясында документтер менен иштөөнүн регламентине ылайык башкармалыктын компетенциясына кирген маселелер боюнча ченемдик укуктук актылардын жана башка документтердин долбоорлорун белгиленген тартипте кайтарууга укуктуу;

3) башкармалыкка жүктөлгөн милдеттерди жана функцияларды аткаруу үчүн зарыл болгон башка ыйгарым укуктарды жүзөгө ашырат.

16. Башкармалыктын начальнигинин орун басары - бөлүмдүн башчысы - жалпы ыйгарым укуктар менен катар:

1) башкармалыктын начальнигинин тапшырмасы боюнча мыйзам чыгаруу ишинин маселелери боюнча эксперттик-аналитикалык маалымкаттарды жана сунуштарды иштеп чыгат;

2) жарандык коомдун өкүлдөрү жана жалпыга маалымдоо каражаттары менен өз ара аракеттенүүнү жүзөгө ашырат;

3) төмөнкүлөр боюнча ишти уюштурат:

- ченемдик укуктук актылардын долбоорлоруна, Президенттин кол коюусуна келип түшкөн мыйзамдарга укуктук экспертиза жүргүзүү;

- Президент, Министрлер Кабинети жана Министрлер Кабинетинин Төрагасы - Президенттин Администрациясынын Жетекчиси тарабынан кабыл алынуучу чечимдерге укуктук талдоо жүргүзүү жана мыйзамдарга ылайык келишин камсыз кылуу;

- Президенттин Администрациясынын түзүмдүк бөлүмдөрүнө ченемдик укуктук жөнгө салуу маселелери боюнча методикалык жардам көрсөтүү;

4) бөлүмдүн кызматкерлери тарабынан даярдалган укуктук экспертиза жүргүзүүнүн жыйынтыгы боюнча корутундуларды; мамлекеттик органдардын, Жогорку Кеңештин депутаттарынын, жарандардын жана уюмдардын каттарына жана суроо-талаптарына, ошондой эле Президенттин, Министрлер Кабинетинин, Министрлер Кабинетинин Төрагасы - Президенттин Администрациясынын Жетекчисинин, Министрлер Кабинетинин Төрагасынын орун басарларынын тапшырмаларына жооптордун долбоорлорун текшерет;

5) башкармалыктын начальниги тарабынан ага жүктөлгөн башка ыйгарым укуктарды жүзөгө ашырат.

17. Өкүлчүлүк жалпы ыйгарым укуктар менен катар төмөнкүлөргө укуктуу:

1) министрликтерге, административдик ведомстволорго жана аткаруу бийлигинин башка органдарына, жергиликтүү мамлекеттик администрацияларга жана жергиликтүү өз алдынча башкаруу органдарына аткаруу үчүн милдеттүү болгон, өкүлчүлүктүн компетенциясына кирген маселелер боюнча тапшырмаларды жөнөтүүгө, зарыл болгон учурда Президенттин, Министрлер Кабинетинин Төрагасы - Президенттин Администрациясынын Жетекчисинин, Министрлер Кабинетинин Төрагасынын орун басарларынын, Президенттин Администрациясынын башкармалыктарынын начальниктеринин тиешелүү тапшырмаларынын долбоорлорун даярдоого;

2) фракциялардын, комитеттердин жыйналыштарына жана Жогорку Кеңештин жыйналыштарына Министрлер Кабинетинин мүчөлөрүн, Министрлер Кабинетинин расмий өкүлдөрүн, министрликтердин, административдик ведомстволордун жана аткаруу бийлигинин башка органдарынын, жергиликтүү мамлекеттик администрациялардын жана жергиликтүү өз алдынча башкаруу органдарынын башка кызмат адамдарын чакырууга;

3) өзүнүн функцияларын жана ыйгарым укуктарын жүзөгө ашыруу үчүн зарыл болгон материалдарды жана маалыматтарды алуу үчүн Жогорку Кеңештин Аппаратына кайрылууга;

4) зарыл болгон учурларда Президентке жана Министрлер Кабинетинин Төрагасы - Президенттин Администрациясынын Жетекчисине өз ишинин айрым багыттары боюнча эксперттик жана жумушчу топторду түзүү жөнүндө, ошондой эле өзүнүн функцияларын ишке ашырууга көмөк көрсөтүү үчүн Президенттин Администрациясынын, башка мамлекеттик органдардын кызматкерлерин, окумуштууларды жана көз карандысыз эксперттерди белгиленген тартипте ишке тартуу жөнүндө сунуштарды киргизүүгө;

5) Президент, Министрлер Кабинети тарабынан Конституциялык сотко жиберилген кайрылуунун негизин Президент, Министрлер Кабинетинин Төрагасы - Президенттин Администрациясынын Жетекчиси менен макулдашуу боюнча тактоого жана өзгөртүүгө;

6) Президенттин, Министрлер Кабинетинин Төрагасы - Президенттин Администрациясынын Жетекчисинин тапшырмасы боюнча Конституциялык соттун жыйналышында ишти кароо башталганга чейин Президенттин, Министрлер Кабинетинин кайрылууларын чакыртып алууга;

7) Президенттин, Министрлер Кабинетинин кайрылуусунда баяндалган Президенттин, Министрлер Кабинетинин позициясына зарыл болгон тактоолорду жана өзгөртүүлөрдү Конституциялык соттун жыйналышына киргизүүгө;

8) Конституциялык соттун жыйналыштарына катышууга Президенттин жана Министрлер Кабинетинин атайын чечимин чыгаруусуз белгиленген тартипте катышууга;

9) Жогорку Кеңеште жана Конституциялык сотто Президенттин жана Министрлер Кабинетинин кызыкчылыктарын көрсөтүү менен байланышкан, жүктөлгөн милдеттерди аткаруу үчүн зарыл болгон башка ыйгарым укуктарды жүзөгө ашырууга.

18. Жогорку Кеңештеги туруктуу өкүл төмөнкүлөргө укуктуу:

1) Жогорку Кеңеште каралуучу маселелер боюнча Президенттин жана Министрлер Кабинетинин позициясын билдирүү менен Президенттин жана Министрлер Кабинетинин атынан чыгууга;

2) Президент каршы пикир менен кайтарган мыйзамдар боюнча тиешелүү түшүндүрмөлөрдү берүүгө;

3) Президент тарабынан четке кагылган мыйзамдын ченемдеринин макулдашылган редакциясын иштеп чыгуу процессине катышууга;

4) Жогорку Кеңештин Төрагасында жума сайын өтүүчү координациялык кеңешмелерге катышууга, Жогорку Кеңештин календардык жана учурдагы иш пландарын түзүүдө Президенттин жана Министрлер Кабинетинин кызыкчылыктарын эске алууну камсыз кылууга;

5) Жогорку Кеңештин жыйналыштарына, фракциялардын, комитеттердин, комиссиялардын жана жумушчу топтордун ишине Президенттин жана Министрлер Кабинетинин атайын чечимисиз катышууга;

6) Президент жана Министрлер Кабинетинин Төрагасы тарабынан демилгеленген мыйзам долбоорлорун Жогорку Кеңеште жана анын органдарында кароодо расмий өкүлдөрдүн (мыйзам долбоорлору боюнча баяндамачылардын) позициялары туура келбеген учурда Президенттин жана Министрлер Кабинетинин расмий позициясын айтууга;

7) Президенттин жана Министрлер Кабинетинин расмий өкүлдөрүнүн Жогорку Кеңештин жыйналыштарына, фракциялардын, комитеттердин, комиссиялардын жана жумушчу топтордун ишине катышуусун контролдоого;

8) мыйзам долбоорлору боюнча Президенттин жана Министрлер Кабинетинин расмий өкүлдөрүнүн катышуусу мүмкүн болбогон учурда, аларды убактылуу алмаштыруу жөнүндө маселени Жогорку Кеңештин Төрагасы, фракциялардын, комитеттердин жетекчилери менен оперативдүү тартипте макулдашууга;

9) министрликтердин, административдик ведомстволордун жана аткаруу бийлигинин башка органдарынын, жергиликтүү мамлекеттик администрациялардын жана жергиликтүү өз алдынча башкаруу органдарынын, Президенттин Администрациясынын түзүмдүк бөлүмдөрүнүн жетекчилерин зарыл болгон учурда чакырууга жана Жогорку Кеңеш, Жогорку Кеңештин фракциялары жана комитеттери, Президент, Министрлер Кабинетинин Төрагасы - Президенттин Администрациясынын Жетекчиси, Министрлер Кабинетинин Төрагасынын орун басарлары, Президенттин Администрациясынын башкармалыктарынын начальниктери тарабынан тапшырылган, өкүлчүлүктүн компетенциясына кирген маселелерди оперативдүү тартипте чечүү үчүн тиешелүү тапшырмаларды берүүгө укуктуу;

10) зарыл болгон учурда Президенттин Администрациясынын түзүмдүк бөлүмдөрүнүн, министрликтердин, административдик ведомстволордун жана аткаруу бийлигинин башка органдарынын, жергиликтүү мамлекеттик администрациялардын жана жергиликтүү өз алдынча башкаруу органдарынын кызматкерлерин алардын жетекчилери менен макулдашуу боюнча Президент, Министрлер Кабинети, Министрлер Кабинетинин Төрагасы - Президенттин Администрациясынын Жетекчиси, Министрлер Кабинетинин Төрагасынын орун басарлары, Президенттин Администрациясынын башкармалыктарынын начальниктери тарабынан каралууга тийиш болгон маселелерди даярдоого катышуу үчүн тартууга, өкүлчүлүктүн компетенциясына кирген маселелер боюнча алардын маалыматын угууга;

11) Президенттин, Министрлер Кабинетинин Төрагасы - Президенттин Администрациясынын Жетекчисинин тапшырмасы боюнча жана жеке демилгеси боюнча Президентке жана Министрлер Кабинетинин Төрагасы - Президенттин Администрациясынын Жетекчисине сыйлоо жөнүндө сунуштарды киргизүүгө, кызматтык териштирүүлөрдү жүргүзүүгө, алардын жыйынтыгы боюнча Президенттин, Министрлер Кабинетинин жана Президенттин Администрациясынын компетенциясына кирген маселелер боюнча Президенттин, Министрлер Кабинетинин Төрагасы - Президенттин Администрациясынын Жетекчисинин, Министрлер Кабинетинин Төрагасынын орун басарларынын, Президенттин Администрациясынын башкармалыктарынын начальниктеринин чечимдерин жана тапшырмаларын аткарбаган же талаптагыдай аткарбаган министрликтердин, административдик ведомстволордун жана аткаруу бийлигинин башка органдарынын, жергиликтүү мамлекеттик администрациялардын жана жергиликтүү өз алдынча башкаруу органдарынын жетекчилерине карата тартиптик жаза чараларын колдонуу жөнүндө сунуш киргизүүгө;

12) өкүлчүлүктүн компетенциясына кирген башка ыйгарым укуктарды жүзөгө ашырууга.

19. Жогорку Кеңештеги туруктуу өкүлдүн орун басары түзүмдүк бөлүмдүн жетекчисинин орун басарынын жалпы ыйгарым укуктары менен катар:

1) Жогорку Кеңештин жыйналыштарына, фракциялардын, комитеттердин, комиссиялардын жана жумушчу топтордун ишине Президенттин жана Министрлер Кабинетинин атайын чечимисиз катышат;

2) министрликтердин, административдик ведомстволордун жана аткаруу бийлигинин башка органдарынын, жергиликтүү мамлекеттик администрациялардын жана жергиликтүү өз алдынча башкаруу органдарынын, Президенттин Администрациясынын түзүмдүк бөлүмдөрүнүн Жогорку Кеңештеги "өкмөттүк күнгө" жана "өкмөттүк саатка" материалдарды даярдоо боюнча ишин координациялайт;

3) Президент жана Министрлер Кабинети тарабынан демилгеленген мыйзам долбоорлорун Жогорку Кеңеште жана анын органдарында кароодо расмий өкүлдөрдүн (мыйзам долбоорлору боюнча баяндамачылардын) позициялары туура келбеген учурда Президенттин жана Министрлер Кабинетинин расмий позициясын айтат;

4) Президенттин жана Министрлер Кабинетинин расмий өкүлдөрүнүн Жогорку Кеңештин жыйналыштарына, фракциялардын, комитеттердин, комиссиялардын жана жумушчу топтордун ишине катышуусун контролдойт;

5) мыйзам долбоорлору боюнча Президенттин жана Министрлер Кабинетинин расмий өкүлдөрүнүн катышуусу мүмкүн болбогон учурда аларды убактылуу алмаштыруу жөнүндө маселени Жогорку Кеңештин Төрагасы, фракциялардын, комитеттердин жетекчилери менен ыкчам макулдашат;

6) Министрлер Кабинетинин Мыйзам долбоорлоо иштеринин планынын аткарылышын координациялайт;

7) Жогорку Кеңештин депутаттары тарабынан демилгеленген мыйзам долбоорлоруна Президенттин Администрациясынын түзүмдүк бөлүмдөрү, министрликтер, административдик ведомстволор жана аткаруу бийлигинин башка органдары, жергиликтүү мамлекеттик администрациялар жана жергиликтүү өз алдынча башкаруу органдары тарабынан Министрлер Кабинетинин корутундуларынын долбоорлорун даярдоо боюнча ишин координациялайт;

8) Президент тарабынан четке кагылган мыйзамдын ченемдеринин макулдашылган редакциясын иштеп чыгуу боюнча макулдашуучу комиссиялардын ишине катышат;

9) Жогорку Кеңештеги туруктуу өкүлдүн же башкармалыктын начальнигинин тапшырмасы боюнча башка ыйгарым укуктарды жүзөгө ашырат.

20. Конституциялык соттогу туруктуу өкүл:

1) Президенттин жана Министрлер Кабинетинин атынан Конституциялык соттун жыйналыштарына Президенттин жана Министрлер Кабинетинин атайын чечимисиз белгиленген тартипте катышат;

2) конституциялык сот өндүрүшүндө Президенттин жана Министрлер Кабинетинин тарабында болот;

3) Конституциялык соттун судьяларынын суроо-талабы боюнча Конституциялык сотто каралуучу маселелер боюнча Президенттин жана Министрлер Кабинетинин позициясын билдирет;

4) өкүлчүлүктүн компетенциясына кирген башка ишти жүзөгө ашырат, Президенттин Администрациясынын кызмат адамдары, башка мамлекеттик органдар жана алардын кызмат адамдары менен болгон мамилелерде өкүлчүлүктүн атынан чыгат.

5. Кураторлук жана кызматтык өз ара аракеттенүү

21. Башкармалык өз ишин Президенттин Администрациясынын башка түзүмдүк бөлүмдөрү, Жогорку Кеңештин Аппараты, министрликтер, мамлекеттик комитет, административдик ведомстволор, башка мамлекеттик органдар, жергиликтүү өз алдынча башкаруу органдары, коомдук жана эл аралык уюмдар менен башкармалыктын компетенциясына кирген маселелер боюнча тыгыз өз ара аракеттенүү менен жүзөгө ашырат.

22. Президенттин жана Министрлер Кабинетинин укуктук жактан камсыз бөлүмү:

1) Кыргыз Республикасынын Юстиция министрлигине кураторлук кылат (жазык-аткаруу системасынын, соттук-эксперттик иштин жана пробациянын маселелерин кошпогондо);

2) мыйзамдардын, Президенттин жарлыктарынын жана тескемелеринин, Министрлер Кабинетинин токтомдорунун жана тескемелеринин, Министрлер Кабинетинин Төрагасынын тескемелеринин (Президенттин Администрациясынын Жетекчисинин тескемелеринин) долбоорлорун жөнгө салуу предметине жараша бардык мамлекеттик органдар, аткаруу бийлигинин органдары, жергиликтүү өз алдынча башкаруу органдары жана уюмдар менен бөлүмдүн компетенциясына кирген маселелер боюнча өз ара аракеттенүүсүн камсыз кылат.

23. Өкүлчүлүк өзүнүн компетенциясына кирген маселелер боюнча төмөнкүлөр менен өз ара аракеттенүүнү камсыз кылат:

- Жогорку Кеңеш, Жогорку Кеңештин Аппараты;

- Конституциялык сот, Конституциялык соттун аппараты;

- Президенттин Администрациясынын түзүмдүк бөлүмдөрү, министрликтер, административдик ведомстволор жана аткаруу бийлигинин башка органдары, жергиликтүү мамлекеттик администрациялар жана жергиликтүү өз алдынча башкаруу органдары.