Кыргыз Республикасынын Министрлер Кабинетинин 2023-жылдын 4-августундагы N 459-т (Кыргыз Республикасынын Министрлер Кабинетинин 2023-жылдын 10-февралындагы №41-т тескемесине өзгөртүү киргизүү тууралуу) тескемеси

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2023-жылдын 4-августу № 459-т

Кыргыз Республикасынын Жалал-Абад облусунун Жалал-Абад шаарынын тездетилген социалдык-экономикалык өнүгүшүн камсыз кылуу үчүн бөлүнгөн Кыргыз Республикасынын республикалык бюджетинин максаттуу трансферттерин натыйжалуу пайдалануу максатында, Кыргыз Республикасынын Министрлер Кабинетинин 2022-жылдын 27-сентябрындагы № 522 "Мамлекеттик сатып алуулар чөйрөсүндө контрактты банктык коштоону жүзөгө ашыруу жөнүндө" токтомуна, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

Кыргыз Республикасынын Министрлер Кабинетинин 2023-жылдын 10-февралындагы № 41-т тескемесине төмөнкүдөй өзгөртүү киргизилсин:

- төмөнкүдөй мазмундагы 3-1-пункт менен толукталсын:

"3-1. Жалал-Абад шаарынын мэриясы мамлекеттик сатып алуулар чөйрөсүндөгү мыйзамдарга ылайык сатып алуу жол-жоболорун жүзөгө ашырууда контракттарды банктык коштоо жол-жобосун колдонбоого укуктуу.".