Кыргыз Республикасынын Министрлер Кабинетинин 2024-жылдын 3-июлундагы № 396-т (Түрк мамлекеттер уюмуна мүчө мамлекеттер менен Түркмөнстандын ортосундагы Эл аралык автомобилдик ташуулар жаатында кызматташтык жана электрондук уруксатты (е-Permit) пайдалануу жөнүндө өз ара түшүнүшүү тууралуу меморандумдун расмий тилдеги долбоорун жактыруу тууралуу) Тескемеси

КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2024-жылдын 3-июлу № 396-т

"Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Түрк мамлекеттер уюмуна мүчө мамлекеттер менен Түркмөнстандын ортосундагы Эл аралык автомобилдик ташуулар жаатында кызматташтык жана электрондук уруксатты (е-Permit) пайдалануу жөнүндө өз ара түшүнүшүү тууралуу меморандумдун расмий тилде (расмий эмес котормо) тиркелген долбоору жактырылсын.

2. Кыргыз Республикасынын транспорт жана коммуникациялар министрине ушул тескеменин 1-пунктунда көрсөтүлгөн Меморандумдун долбооруна принциптүү эмес мүнөздөгү өзгөртүүлөрдү жана толуктоолорду киргизүү укугу менен кол коюуга ыйгарым укук берилсин.