Кыргыз Республикасынын Министрлер Кабинетинин (Кыргыз Республикасы менен Эл аралык өнүктүрүү ассоциациясынын ортосундагы долбоордун 2-фазасы катары Кыргыз Республикасынын ирригациясына инвестициялоонун улуттук программасын (ИИУП) каржылоо жөнүндө макулдашууну жактыруу тууралуу) тескемеси

«Кыргыз Республикасынын эл аралык келишимдери жөнүндө» Кыргыз Республикасынын Мыйзамынын 8-беренесине, «Кыргыз Республикасынын Министрлер Кабинети жөнүндө» Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасы менен Эл аралык өнүктүрүү ассоциациясынын ортосундагы 2-фазанын долбоору катары Кыргыз Республикасынын ирригациясына инвестициялоонун улуттук программасын каржылоо жөнүндө макулдашуунун расмий тилде (расмий эмес котормо) тиркелген долбоору жактырылсын.

2. Кыргыз Республикасынын финансы министрине ушул тескеменин 1-пунктунда көрсөтүлгөн Каржылоо жөнүндө макулдашууга принциптүү эмес мүнөздөгү өзгөртүүлөрдү жана толуктоолорду киргизүү укугу менен кол коюуга ыйгарым укук берилсин.

Кыргыз Республикасынын Министрлер Кабинетинин Төрагасынын биринчи орун басары

Д.Амангельдиев