ОШ ШААРДЫК КЕӉЕШИ

Ош шаардык кеңешинин III чакырылышынын XXVII сессиясы

2015-жылдын 8-июну № 281

Ош шаарынын «Архитектуралык-шааркуруу кеңеши жөнүндө»

Жобосун бекитүү

Ош шаарынын мэриясынын 2015-жылдын 25-майындагы №194/08-6- Ош шаарынын «Архитектуралык-шааркуруу кеңешинин» Жобосун бекитип берүү жөнүндөгү катын карап жана талкуулап, Ош шаардык Кеңешинин архитектура, курулуш, муниципалдык менчик, мүлк, жер, экология, агрардык жана өзгөчө кырдаалдар маселелери боюнча туруктуу депутаттык комиссиясынын 2015-жылдын 27-майындагы № 21-токтомун, ошондой эле сессиянын жүрүшүндө депутаттар тарабынан айтылган сунуштарды эске алып, Ош шаардык кеңеши

ТОКТОМ КЫЛАТ:

1. Ош шаарынын «Архитектуралык-шааркуруу кеңеши жөнүндө» Жобо №1-тиркемеге ылайык бекитилсин.

2. “Ош шаардык архитектура жана шааркуруу башкармалыгына караштуу шааркуруу кеңеши” жөнүндөгү Жобону бекитүү жөнүндө депутаттардын Ош шаардык Кеңешинин 2008-жылдын 7-майындагы №34-токтому күчүн жоготту деп табылсын.

3. Бул токтом мыйзамда каралган тартипте катталсын (М.Давляев) жана массалык маалымдоо каражаттарына жарыялансын (Р.Эргешов).

4. Токтомдун аткарылышын көзөмөлдөө Ош шаардык Кеңешинин архитектура, курулуш, муниципалдык менчик, мүлк, жер, экология, агрардык жана өзгөчө кырдаалдар маселелери боюнча туруктуу депутаттык комиссиясына (К.Пазилов) жүктөлсүн.

Ош шаардык кеңешинин төрагасы:

У.Примов

Ош шаардык кеңешинин 2015-жылдын 8-июнундагы кезектеги XXVII-сессиясынын №281-токтомуна №1-тиркеме

Ош шаарынын Архитектуралык-шааркуруу кеңеши жөнүндө

ЖОБО