НАРЫН ШААРДЫК КЕӉЕШИ

ТОКТОМ

Нарын шаардык кеңешинин IV чакырылыштагы 6- сессиясы

 

2017-жылдын 6-апрели № 1

Нарын шаарынын Аксакалдар сотунун жаңы курамын бекитүү жөнүндө

Нарын шаардык Кеңешинин XXVI чакырылыштагы VI сессиясынын № 4 токтому менен бекитилген Нарын шаарынын Аксакалдар сотунун мөөнөтү бүткөндүгүнө байланыштуу,жаңы сунушталып жаткан Аксакалдар сотунун курамын “Мыйзамдуулук, укук тартиби, коргоо, Регламент, мандат, этика, коррупцияга каршы күрөшүү боюнча” жана “Депутаттык иш, ардагерлер, жаштар саясаты, жарандык жана коомдук уюмдар, эл аралык байланыш, жалпыга маалымат каражаттары, наамдарды ыйгаруу боюнча” туруктуу комиссияларынын отурумдарында талкууланып, Кыргыз Республикасынын «Аксакалдар соту жөнүндөгү” Мыйзамына ылайык алардын жаңы курамын бекитип берүүнү Нарын шаардык Кеңешинин кезектеги сессиясына сунуштаган. Жогорудагыларды талкуулап, Нарын шаардык Кеңешинин кезектеги сессиясы

ТОКТОМ КЫЛАТ:

1. Кыргыз Республикасынын «Аксакалдар соту жөнүндөгү» Мыйзамына ылайык Нарын шаардык Аксакалдар сотунун жаңы курамы 9 адамдан бекитилсин. (Курамы тиркелет)

2. Жаңы бекитилген Аксакалдар сотунун курамына, Аксакалдар сотунун төрагасын жана катчысын шайлагандыгы жөнүндөгү протоколун шаардык Кеңешке бир жуманын ичинде жиберүү жагы тапшырылсын.

3. Аксакалдар сотунун иш бөлмөсүн чечип берүү жана иш кагаздары менен камсыз кылуу жагы шаардык Кеңешке ( Ж.Ботоканов), шаардык мэрияга(Э.Алымкулов) тапшырылсын.

4. Аксакалдар соту шаардык Кеңештин алдындагы “Мыйзамдуулук, укук тартиби, коргоо, Регламент, мандат, этика, коррупцияга каршы күрөшүү боюнча”, “Депутаттык иш, ардагерлер, жаштар саясаты, жарандык жана коомдук уюмдар, эл аралык байланыш, жалпыга маалымат каражаттары, наамдарды ыйгаруу боюнча” туруктуу комиссиялары жана шаардык укук коргоо органдары менен тыгыз байланышта иш алып баруусуна өзгөчө көңүл бурулсун.

 

Төрага

Ж. Ботоканов

 

Нарын шаардык аксакалдар сотунун курамы

Жооптуу катчы А.Абдыкеримов