КЫЗЫЛ–КЫЯ ШААРДЫК КЕӉЕШИ

ТОКТОМ

 

2017-жылдын 30-марты № 6/19

Кызыл-Кыя шаарынын 2017-жылга жергиликтүү бюджетин кабыл алуу жөнүндө

Күн тартибиндеги маселени карап жана талкуулап чыгып, «Жергиликтүү өз алдынча башкаруу жөнүндө» Кыргыз Республикасынын 2011-жылдын 15-июлундагы №101-Мыйзамынын 31-беренесине негиз, Кызыл-Кыя шаарынын 2017-жылга жергиликтүү бюджети жөнүндөгү маселе шаардык кеңештин бюджет, финансы, экономика жана инвестицияны тартуу маселелери боюнча туруктуу комиссиясында каралып, такталгандыгын жана киргизилген сунуштардын негизинде түзүлгөндүгүн, шаардык кеңештин бюджет, финансы, экономика жана инвестицияны тартуу маселелери боюнча туруктуу комиссиясынын 2017-жылдын 14-мартындагы №6 протоколунун чечимине негиз, маселени талкуулоодо депутаттар тарабынан берилген сунуштарды эске алып, Кызыл-Кыя шаардык кеңешинин сессиясы

ТОКТОМ КЫЛАТ:

Кызыл-Кыя шаарынын 2017-жылга бюджетин түзүү учурунда жетишсиздиктер белгиленип, 2017-жылга шаардын бюджетинин чыгаша бөлүгүнүн чыныгы минималдуу керектөөсү бюджеттик мекемелердин берген долбоорунун негизинде 161973,9 миң сом өлчөмүндө аныкталсын. Кызыл-Кыя шаарынын 2017-жылга бюджетинин кирешелери жана чыгашалары боюнча Кыргыз Республикасынын каржы министрлиги тарабынан берилген контролдук суммасы 121711,2 миң сом өлчөмүндө бекитилип, жетишсиздик 40262,7 миң сом эске алынып, Ден-соолукту чыңдоо борборунун атайын каражаты 1296,0 миң сомго көбөйтүлгөндүгүнө байланыштуу 123007,2 миң сомго бекитилсин.

2017-жылга шаардык бюджеттин кирешелерин түзүүчү булактары №1-тиркемеге ылайык бекитилсин.

2017-жылга шаардык бюджеттин чыгаша бөлүгүнүн багыттары №2-тиркемеге ылайык бекитилсин.

2017-жылга 704-экономикалык бөлүкчөдөгү бөлүнгөн акча каражаттары №3-тиркемеге ылайык бекитилсин.

Шаардык бюджеттик мекемелердин чыгашаларынын 2016-жылы каржыланбай калган 14102,9 миң сом кредитордук карыздары 2017-жылдын бюджетинин эсебинен жүргүзүлсүн. Билим берүү бөлүмүнүн атайын каражатынын 1747,6 миң сом кредитордук карыздары бюджеттик каражаттардын эсебинен каржылансын.

Кызыл-Кыя шаардык кеңешинин бюджет, финансы, экономика жана инвестицияны тартуу маселелери боюнча туруктуу комиссиясынын жана фракциялардын катышуусунда өткөн отурумда айтылган сунуштар 2017-жылга кошумча кирешелерди таап каржылоо шаардын мэри Э. Топчубаевге сунушталсын.

Шаардык бюджеттин 2017-жылдын 1-январына болгон эркин калдык 1663,5 миң сом, анын ичинен бюджет 1308,6 миң сом, атайын каражат 354,9 миң сомду түзөт. Шаардык бюджетинин эркин калдыгы экономикалык бөлүкчөдө каралып мэрия аркылуу каржылансын, атайын каражаттан калган калдык балдар бакчасына 351,8 миң сом, маданият бөлүмүнө 3,1 миң сом бөлүнүп берилсин.

2017-жылдын 1-январына карата шаардык бюджет боюнча кассада жүгүртүлүүчү нак акча 100,0 миң сом өлчөмүндө бекитилсин.

Бул токтомдун аткарылышын көзөмөлгө алуу жагы Кызыл-Кыя шаардык кеңешинин бюджет, финансы, экономика жана инвестицияны тартуу маселелери боюнча туруктуу комиссиясына тапшырылсын.

 

Төрайым

У. Дарипова

 

2017-жылдын жергиликтүү бюджеттинин киреше бөлүгүнүн контролдук суммасы.