ОШ ШААРДЫК КЕҢЕШИ

ТОКТОМ

Ош шаардык кеңешинин кезектеги IV сессиясы (IV чакырылыш)

 

2016-жылдын 24-августу №15

Ош шаардык Кеңешинин 2016-жылдын 10-февралындагы №324-токтому менен бекитилген Ош шаарынын Жапалак айылдык аймактык башкармалыгынын айыл-чарба жерлеринин мамлекеттик фондунун жерлерин ижарага берүү боюнча комиссиянын курамына өзгөртүү киргизүү жөнүндө

 

Ош шаарынын Жапалак айылдык аймактык башкармалыгынын 2016-жылдын 10-июнундагы «Ош шаардык Кеңешинин кезексиз XXXVII сессиясынын (III чакырылыш) №324-токтому менен бекитилген «Ош шаарынын Жапалак айылдык аймактык башкармалыгынын айыл-чарба жерлеринин мамлекеттик фондунун жерлерин ижарага берүү боюнча комиссиянын курамына өзгөртүү киргизүү жөнүндөгү» №390-катын карап жана талкуулап, Кыргыз Республикасынын Өкмөтүнүн 2007-жылдын 22-июнундагы №243-«Айыл чарба жерлеринин кайра бөлүштүрүү фондунун жерлерин ижарага берүүнүн шарттары жана тартиби жөнүндөгү типтүү Жобонун» 22-пунктуна ылайык, шаардык Кеңештин курамынын өзгөргөндүгүнө байланыштуу, ошондой эле сессиянын жүрүшүндө депутаттар тарабынан айтылган сунуштарды эске алып, Ош шаардык Кеңеши

ТОКТОМ КЫЛАТ:

1. Ош шаардык Кеңешинин 2016-жылдын 10-февралындагы №324-токтому менен бекитилген «Ош шаарынын Жапалак айылдык аймактык башкармалыгынын айыл-чарба жерлеринин мамлекеттик фондунун жерлерин ижарага берүү боюнча комиссиянын курамына өзгөртүүлөр киргизилип №1-тиркемеге ылайык окулсун (№1-тиркеме тиркелет).

2. Комиссиянын мүчөсү ээлеген кызматынан бошогондугуна байланыштуу комиссиянын курамынан чыккан учурда анын милдеттери жаңы дайындалган адамга өтөөрү белгиленсин.

3. Ар бир айылдын аймагындагы айыл-чарба жерлеринин мамлекеттик фондунун жерлерин ижарага берүүдө комиссиянын курамында ошол гана айылдын айыл башчысы комиссиянын курамында иш алып баруусу белгиленсин.

4. Бул токтом мыйзамда каралган тартипте катталсын (М.Давляев) жана массалык маалымат каражаттарына жарыялансын (А.Эргашева).

5. Токтомдун аткарылышын көзөмөлдөө Ош шаардык Кеңешинин архитектура, курулуш, муниципалдык менчик, мүлк, жер, экология, агрардык жана өзгөчө кырдаалдар маселелери боюнча туруктуу депутаттык комиссиясына (Н.Рашев) жүктөлсүн.

 

Ош шаардык Кеңешинин

2016-жылдын 24-августундагы

кезектеги IV сессиясынын

№15-токтомуна №1-тиркеме

Ош шаарынын Жапалак айылдык аймактык башкармалыгынын айыл-чарба жерлеринин мамлекеттик фондунун жерлерин ижарага берүү боюнча комиссиянын курамы

1. Эшманов С.       -Ош шаарынын Жапалак айылдык аймактык башкармалыгынын башчысы;

2. Орумбаев М.     -Ош шаардык Кеңешинин депутаты

(макулдашуу менен);

3. Раимбердиев Р. -Ош шаардык Кеңешинин депутаты

(макулдашуу менен);

4. Арзибаев Б.

5. Папишов К.        -Ош шаардык Кеңешинин депутаты

(макулдашуу менен);

-Ош шаарынын Жапалак айылдык аймактык башкармалыгынын башчысынын орун басары;

6. Оморалиев К.