ЛЕНИН АЙЫЛДЫК КЕҢЕШИ

ТОКТОМ

Ленин айылдык Кеңешинин VIII сессиясы

2018 -жылдын 19 -февралы № 1

Ленин айыл аймагынын жергиликтүү жамаатынын уставын бекитүү жөнүндө

 

Кыргыз Республикасынын «Жергиликтүү өз алдынча башкаруу жөнүндө» мыйзамынын 15-беренесинин талаптарына ылайык, Жалал-Абад облусунун Сузак районунун Ленин айыл аймагынын жергиликтүү жамаатынын элдик жыйындарында жергиликтүү жамааттын Уставынын долбоорун талкуулап, жыйындарда жергиликтүү жамааттан, депуттардан түшкөн сын-пикир, сунуштарын эске алып, Ленин айылдык кеңешинин туруктуу комиссияларынын корутундусун угуп, Ленин айылдык кеңеши Кыргыз Республикасынын «Жергиликтүү өз алдынча башкаруу жөнүндө» Мыйзамынын 31-беренесинин 2-бөлүгүнүн 8-пунктуна таянып, Күн тартибиндеги маселени угуп жана талкуулап Ленин айылдык Кеңешинин VIII сессиясы

ТОКТОМ КЫЛАТ:

1. Тиркемедеги Ленин айыл аймагынын жергиликтүү жамаатынын Уставы бекитилсин.

2. Ушул токтом жана Ленин айыл аймагынын жергиликтүү жамаатынын Уставы Кыргыз Республикасынын Өкмөтүнө караштуу өз алдынча башкаруу иштери жана этностор аралык мамилелер боюнча мамлекеттик агенттигинин www.gamsumo.gov.kg веб- сайтына жарыялансын.

3. Ушул токтомду жана тиркемедеги жергиликтүү жамааттын Уставын расмий жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү жагы Ленин айыл өкмөтү милдеттендирилсин.

4. “Ленин айыл аймагынын жергиликтүү жамаатынын Типтүү Уставын бекитуу жөнүндөгү” Ленин айылдык кеңешинин 2013 жылдын 21 майында кабыл алынган №4 Токтому күчүн жоготту деп табылсын.

5. Бул токтомдун аткарылышын көзөмөлдөө Ленин айылдык кеңешинин мыйзамдуулукту, укук тартибин сактоо, жарандардын укугун жана кызыкчылыгын коргоо, архитектура, курулуш, транспорт жана экология боюнча туруктуу комиссиясынын төрагасына милдеттендирилсин.

 

Ленин айылдык кеңешинин

19.02.2018-жылдагы VIII сессиясынын

№1 токтомунун №1 тиркемеси

Жалал-Абад облусунун Сузак районунун

Ленин айылдык аймактын жергиликтүү жамаатынын

I.              Жалпы жоболор

II.            Жергиликтүү өз алдынча башкаруу органдары жана жергиликтүү маанидеги маселелер

III.           Жергиликтүү жамааттын жергиликтүү өз алдынча башкарууну жүзөгө ашырууга түз катышуу формалары

IV.          Жергиликтүү жамааттын жергиликтүү маанидеги маселерди чечүүгө катышуусу

V.           Жергиликтүү өз алдынча башкаруунун экономикалык негиздери

VI.          Корутунду жоболор

I. Жалпы жоболор

1.     Жалпы жоболор

1.1.          Ленин айыл аймагынын жергиликтүү жамаатынын Уставы - жергиликтүү жамааттын жыйындарында (чогулуштарында) же курултайларында талкуунун жыйынтыгы менен айылдык кеңештин токтому аркылуу бекитилүүчү, жергиликтүү жамааттын ич-ара жашоо-турмушун негизги эрежелерин жана принциптерин жөнгө салуучу, жергиликтүү жамааттардын мүчөлөрүнүн укуктарын жана милдеттерин кароочу, жергиликтүү жамааттардын бюджеттик процесстерге катышуусун кошкондо жергиликтүү маанидеги маселелерди жана Кыргыз Республикасынын мыйзамдары менен жөнгө салынбаган жергиликтүү өз алдынча башкаруу ишинин башка маселелерин чечүүдө жергиликтүү жамааттын мүчөлөрүнүн бири бири менен жана жергиликтүү жамааттын жергиликтүү өз алдынча башкаруу органдары менен өз ара мамилелеринин тартибин кароочу акт болуп саналат.

1.2. Ушул Устав Ленин айыл аймагында колдонулат жана өздөрүнүн уюштуруу-укуктук түрлөрүнө карабастан, айыл аймагында иштеп жаткан бардык юридикалык жактар, ошондой эле жеке жактар, айыл аймагынын чегинде туруктуу жана убактылуу жашаган адамдарды кошкондо, жана алардын бирикмелери үчүн милдеттүү болуп саналат.