КР Өкмөтүнүн 2019-жылдын 13-майындагы № 217 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2006-жылдын 4-августу № 565

Техникалык жөнгө салуу боюнча эксперттик комиссияларды түзүүнүн тартиби жана алардын ишмердиги жөнүндө жобону бекитүү тууралуу

(КР Өкмөтүнүн  2007-жылдын 27-августундагы № 377 2013-жылдын 1-июлундагы № 395 токтомдорунун редакцияларына ылайык)

"Кыргыз Республикасында техникалык жөнгө салуунун негиздери жөнүндө" Кыргыз Республикасынын Мыйзамын ишке ашыруу боюнча 2006-жылга иш-чаралардын планын бекитүү тууралуу" Кыргыз Республикасынын Өкмөтүнүн 2005-жылдын 21-декабрындагы № 602 токтомун жана Кыргыз Республикасынын Президентинин милдетин аткаруучунун "Кыргыз Республикасында техникалык жөнгө салуу тармагындагы институттук структуралык кайра түзүүлөр жөнүндө" Жарлыгын аткаруу максатында Кыргыз Республикасынын Өкмөтү

ТОКТОМ КЫЛАТ:

1. Техникалык жөнгө салуу боюнча эксперттик комиссияларды түзүүнүн тартиби жана алардын ишмердиги жөнүндө тиркелген жобо бекитилсин.

2. Кыргыз Республикасынын Экономика министрлиги техникалык жөнгө салуу боюнча эксперттик комиссиялардын иш-аракеттерин жана эксперттик комиссиялардын корутундуларын Кыргыз Республикасынын Өкмөтүнүн расмий басылмасында жарыялоону камсыз кылсын.

(КР Өкмөтүнүн 2013-жылдын 1-июлундагы № 395 токтомунун редакциясына ылайык)

3. Бул токтом жалпыга маалымдоо каражаттарында жарыяланган күндөн тартып күчүнө кирет.

4. (КР Өкмөтүнүн 2013-жылдын 1-июлундагы № 395 токтомуна ылайык күчүн жоготту)