Загрузка документа…
КР Министрлер Кабинетинин 2025-жылдын 14-ноябрындагы № 739 токтомуна ылайык КҮЧҮН ЖОГОТТУ
|
| 2-тиркеме |
|
| (Кыргыз Республикасынын Өкмөтүнүн 2018-жылдын 25-декабрындагы № 606 токтомуна) |
Террористтик ишти каржылоого жана кылмыштуу кирешелерди легалдаштырууга (адалдоого) каршы аракеттенүү маселелери боюнча комиссия жөнүндө ЖОБО
(КР Министрлер Кабинетинин 2021-жылдын 18-августундагы № 143, 2022-жылдын 18-августундагы № 463 , 2024-жылдын 7-октябрындагы № 605 токтомунун редакциясына ылайык)
1-глава. Жалпы жоболор
1. Террористтик ишти каржылоого жана кылмыштуу кирешелерди легалдаштырууга (адалдоого) каршы аракеттенүү маселелери боюнча комиссия (мындан ары - Комиссия) террористтик ишти каржылоого жана кылмыштуу кирешелерди легалдаштырууга (адалдоого) каршы аракеттенүү (мындан ары - ТИК/ККЛК) маселелери боюнча, ошондой эле экстремисттик ишти каржылоого жана массалык кыргын салуучу куралды таратууну каржылоого каршы аракеттенүү (мындан ары - ЭИК/МККТКК) маселелери боюнча Кыргыз Республикасынын Министрлер Кабинетинин координациялык-кеңешүүчү органы болуп саналат.
(КР Министрлер Кабинетинин 2021-жылдын 18-августундагы № 143 токтомунун редакциясына ылайык)
2. Комиссия өз ишинде Кыргыз Республикасынын Конституциясын, Кыргыз Республикасынын мыйзамдарын, Кыргыз Республикасынын Президентинин жарлыктарын жана буйруктарын, Кыргыз Республикасынын башка ченемдик укуктук актыларын, Кыргыз Республикасы катышуучусу болгон, мыйзамда белгиленген тартипте күчүнө кирген эл аралык келишимдерди (мындан ары - эл аралык келишимдер) жана ушул Жобону жетекчиликке алат.
(КР Министрлер Кабинетинин 2021-жылдын 18-августундагы № 143 токтомунун редакциясына ылайык)
2-глава. Комиссиянын максаты жана милдеттери
3. Комиссиянын максаты ТИК/ККЛК чөйрөсүндө, ошондой эле ЭИК/МККТКК чөйрөсүндө көрүлүүчү чаралардын натыйжалуулугун жогорулатуу болуп саналат.
4. Комиссиянын милдеттери төмөнкүлөр болуп саналат:
1) террористтик ишти каржылоо, массалык кыргын салуучу куралды таратууну каржылоо жана кылмыштуу кирешелерди легалдаштыруу (адалдоо) тобокелдиктерине баалоо жүргүзүү (мындан ары - тобокелдиктерди баалоо) жөнүндө чечимдерди кабыл алуу, тобокелдиктерге баалоо жүргүзүү боюнча көрүлүүчү чараларды координациялоо, ошондой эле тобокелдиктерди баалоонун жыйынтыктары жөнүндө отчетторду жактыруу жана жарыялоо тууралуу чечимдерди кабыл алуу;
2) тобокелдиктерди баалоонун жыйынтыктары жөнүндө отчёттордун негизинде иштелип чыккан ТИК/МККТК/ККЛК боюнча мамлекеттик стратегияны (саясатты) даярдоо, жаңылоо, бекитүү жана ишке ашырылышын мониторингдөө боюнча иштерди уюштуруу;
3) ТИК/ККЛК жана ЭИК/МККТКК чөйрөсүндө иш-чараларды иштеп чыгуу жана ишке ашыруу, ошондой эле кызыкдар мамлекеттик органдардын ортосунда маалымат алмашуу маселелери боюнча Кыргыз Республикасынын кызыкдар мамлекеттик органдарынын өз ара аракеттенүүсүн жана ишин координациялоону (саясий жана ыкчам деңгээлдерде) камсыздоо;
4) ТИК/ККЛК жана ЭИК/МККТКК системасын өркүндөтүү боюнча сунуштарды даярдоону жана карап чыгууну уюштуруу;
5) ТИК/ККЛК чөйрөсүндө ченемдик укуктук актылардын долбоорлорун даярдоону жана карап чыгууну уюштуруу;
6) ТИК/ККЛК чөйрөсүндө Кыргыз Республикасынын мыйзамдарын аткаруу маселелери боюнча Кыргыз Республикасынын мамлекеттик органдарынын маалыматтарын угуу;
7) ТИК/МККТК/ККЛК чөйрөсүндө эл аралык кызматташтык маселелери боюнча макулдашылган позицияны иштеп чыгуу.
(КР Министрлер Кабинетинин 2024-жылдын 7-октябрындагы № 605 токтомунун редакциясына ылайык)
3-глава. Комиссиянын ыйгарым укуктары
5. Өз милдеттерин аткаруу максатында Комиссия төмөнкүлөргө ыйгарым укуктуу:
1) ТИК/ККЛК жана ЭИК/МККТКК чөйрөсүндө кызыкдар мамлекеттик органдарды уюштурууну, координациялоону жана өз ара аракеттенүүсүн камсыздоо үчүн керектүү чечимдерди кабыл алууга;
2) зарыл учурда Комиссиянын ишинин алкагында маалыматтарды жана документтерди өз убагында даярдоо үчүн жумушчу топторду түзүүгө, анын ичинде көз карандысыз эксперттерди жана консультанттарды тартуу менен, ошондой эле кызыкдар мамлекеттик органдардын сунуштамалары боюнча бул топтордун милдеттеринин курамын жана иш тартибин аныктоого;
3) мамлекеттик бийликтин органдары, жергиликтүү өз алдынча башкаруу органдары, коомдук бирикмелер жана башка уюмдар менен өз ара аракеттенүүнү уюштурууга, анын ичинде Комиссиянын компетенциясына кирген маселелер боюнча маалыматтарды жана документтерди алардан белгиленген тартипте сурап алууга жана бул органдардын, бирикмелердин жана уюмдардын кызмат адамдарын (жетекчилеринин макулдугу боюнча) Комиссиянын ишине катышуу үчүн чакырууга;