КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТОКТОМУ

2023-жылдын 14-августу № 413

Жергиликтүү мамлекеттик администрациялардын аппараттарынын типтүү түзүмүн жана чектүү штаттык санын бекитүү жөнүндө

Жергиликтүү мамлекеттик администрациялардын ишин натыйжалуу уюштуруу максатында, "Жергиликтүү мамлекеттик администрация жана жергиликтүү өз алдынча башкаруу органдары жөнүндө" Кыргыз Республикасынын Мыйзамынын 6-беренесине ылайык, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерин жетекчиликке алып, Кыргыз Республикасынын Министрлер Кабинети токтом кылат:

1. Төмөнкүлөр бекитилсин:

- жергиликтүү мамлекеттик администрациялардын аппараттарынын типтүү түзүмү 1-тиркемеге ылайык;

- Баткен облусунун жергиликтүү мамлекеттик администрацияларынын аппараттарынын чектүү штаттык саны 2-тиркемеге ылайык;

- Жалал-Абад облусунун жергиликтүү мамлекеттик администрацияларынын аппараттарынын чектүү штаттык саны 3-тиркемеге ылайык;

- Ысык-Көл облусунун жергиликтүү мамлекеттик администрацияларынын аппараттарынын чектүү штаттык саны 4-тиркемеге ылайык;

- Нарын облусунун жергиликтүү мамлекеттик администрацияларынын аппараттарынын чектүү штаттык саны 5-тиркемеге ылайык;

- Ош облусунун жергиликтүү мамлекеттик администрацияларынын аппараттарынын чектүү штаттык саны 6-тиркемеге ылайык;

- Талас облусунун жергиликтүү мамлекеттик администрацияларынын аппараттарынын чектүү штаттык саны 7-тиркемеге ылайык;

- Чүй облусунун жергиликтүү мамлекеттик администрацияларынын аппараттарынын чектүү штаттык саны 8-тиркемеге ылайык.

2. Жергиликтүү мамлекеттик администрациялар бир айлык мөөнөттө өздөрүнүн чечимдерин ушул токтомго ылайык келтирсин.

3. Төмөнкүлөр күчүн жоготту деп таанылсын:

- Кыргыз Республикасынын Өкмөтүнүн 2007-жылдын 18-октябрындагы № 472 "Кыргыз Республикасынын облустук жана райондук мамлекеттик администрацияларынын аппараттарынын түзүмү жана штаттык саны жөнүндө" токтому;

- Кыргыз Республикасынын Өкмөтүнүн 2008-жылдын 10-июнундагы № 285 "Кыргыз Республикасынын райондорунун мамлекеттик администрацияларында жана жергиликтүү өзалдынча башкаруунун аткаруучу органдарында үй-бүлөнү жана балдарды колдоо боюнча бөлүмдөрдү жана Балдардын иштери боюнча комиссияларды түзүү жөнүндө" токтомунун 5-пункту;

- Кыргыз Республикасынын Өкмөтүнүн 2008-жылдын 5-декабрындагы № 674 "Кыргыз Республикасынын Өкмөтүнүн айрым чечимдерине өзгөртүүлөрдү жана толуктоолорду киргизүү жөнүндө" токтомунун 2-пункту;