Кыргыз Республикасынын Министрлер Кабинетине караштуу Жарандык авиация мамлекеттик агенттигинде коррупциянын келип чыгуу тобокелдиги бар учурлардын жана кырдаалдардын тизмесин бекитүү жөнүндө

Коррупция тобокелдигин азайтуу жана ак ниет башкаруу принциптерин ишке ашыруу боюнча иштерди жүргүзүү максатында Кыргыз Республикасынын «Мамлекеттик жарандык кызмат жана муниципалдык кызмат жөнүндө» Мыйзамынын 20-беренесинин 4-бөлүгүнө ылайык, Кыргыз Республикасынын Министрлер Кабинетинин 2023-жылдын 3-мартындагы № 115 «Кыргыз Республикасынын Министрлер Кабинетинин айрым ченем жаратуучу ыйгарым укуктарын мамлекеттик органдарга жана жергиликтүү өз алдынча башкаруунун аткаруу органдарына берүү жөнүндө» токтомуна, Кыргыз Республикасынын Министрлер Кабинетинин 2023-жылдын 31-майындагы № 293 “Мамлекеттик жарандык кызмат жана муниципалдык кызмат жөнүндө” Кыргыз Республикасынын Мыйзамын ишке ашыруу боюнча айрым чаралар жөнүндө” токтомуна ылайык, буйрук кылам:

1. Кыргыз Республикасынын Министрлер Кабинетине караштуу Жарандык авиация мамлекеттик агенттигинде (мындан ары – Мамлекеттик агенттик) коррупциянын келип чыгуу тобокелдиги бар учурлардын жана кырдаалдардын тизмеси ушул буйруктун тиркемесине ылайык бекитилсин.

2. Мамлекеттик агенттиктин түзүмдүк бөлүмдөрүнүн жана ведомстволук уюмдарынын жетекчилерине:

- бекитилген тизме эске алынсын жана өз ишинде жетекчиликке алынсын;

- өз компетенциясынын чегинде тизмеде аныкталган коррупциялык тобокелдиктерди азайтуу жана четтетүү боюнча иштерди жүргүзсүн.

3. Укуктук камсыздоо бөлүмүнө:

- күчүнө кирген күндөн тартып үч жумушчу күндүн ичинде Кыргыз Республикасынын ченемдик-укуктук актыларынын мамлекеттик реестрине киргизүү үчүн ушул буйрукту мамлекеттик жана расмий тилдерде кагаз жана электрондук түрдө Кыргыз Республикасынын Юстиция министрлигине, ошондой эле Кыргыз Республикасынын Президентинин Администрациясына маалымат үчүн жөнөтсүн;

- катталган күндөн тартып үч жумушчу күндүн ичинде бул буйрук мамлекеттик жана расмий тилдерде «Эркин Тоо» газетасына жарыяласын.

4. Бул буйрук расмий жарыяланган күндөн тартып жети күн өткөндөн кийин күчүнө кирет.

5. Бул буйруктун аткарылышын көзөмөлдөөнү өзүмө калтырам.

Директордун орун басары

К.Т. Төлөгөнов

Кыргыз Республикасынын Министрлер Кабинетине караштуу Жарандык авиация мамлекеттик агенттигинин 2025-жылдын 27 октябры №7 буйругуна тиркеме