Кыргыз Республикасынын Министрлер Кабинетине караштуу Жазаларды аткаруу мамлекеттик кызматынын № 26, 42, 43, 44, 45 жана 52 мекемелерин жоюу жөнүндө

“Жазык-аткаруу (пенитенциардык) тутумунун органдары жана мекемелери жөнүндө” Кыргыз Республикасынын Мыйзамынын 7-статьясына, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13, 17-беренелерине ылайык Кыргыз Республикасынын Министрлер Кабинети токтом кылат:

1. Кыргыз Республикасынын Министрлер Кабинетине караштуу Жазаларды аткаруу мамлекеттик кызматынын төмөнкү мекемелери жоюлсун:

– Чүй облусу, Ысык-Ата району, Молдовановка айылы дарегинде жайгашкан № 26 түзөтүү мекемеси – жатак-абагы;

– Ош шаары, А. Мамыров көчөсү, 105А дарегинде жайгашкан № 42 түзөтүү мекемеси – жатак-абагы;

– Баткен облусу, Кызыл-Кыя шаары, Н. Жусубалиев көчөсү, 16 дарегинде жайгашкан № 43 түзөтүү мекемеси – жатак-абагы;

– Ысык-Көл облусу, Чолпон-Ата шаары, 3-кичи району, 107 дарегинде жайгашкан № 44 түзөтүү мекемеси – жатак-абагы;

– Чүй облусу, Москва району, Беловодск айылы, Фрунзе көчөсү, 120 дарегинде жайгашкан № 45 түзөтүү мекемеси – жатак-абагы;

– Жалал-Абад облусу, Токтогул шаары, Б. Осмонов көчөсү, 28 дарегинде жайгашкан № 52 түзөтүү мекемеси – жатак-абагы.

2. Жогоруда көрсөтүлгөн мекемелерди жоюу жол-жобосун жүргүзүү боюнча жоюу комиссиясы тиркемеге ылайык курамда түзүлсүн.

3. Жоюу комиссиясы:

1) жоюулуучу мекемелердин финансылык милдеттенмелери, анын ичинде Кыргыз Республикасынын Министрлер Кабинетине караштуу Кыргыз Республикасынын Социалдык фондунун алдындагы карыздары боюнча маселелерди чечсин;

2) жоюлуучу мекемелердин мүлкүн эсепке алууну жүргүзсүн;

3) жоюлуучу мекемелердин жоюу балансын даярдасын;

4) Кыргыз Республикасынын жарандык жана жаза аткаруу мыйзамдарына ылайык башка чараларды көрсүн.