“Кыргыз Республикасынын эл аралык келишимдери жөнүндө” Кыргыз Республикасынын Мыйзамынын 8-беренесине, “Кыргыз Республикасынын Министрлер Кабинети жөнүндө” Кыргыз Республикасынын конституциялык Мыйзамынын 13, 17-беренелерине ылайык:

1.  Расмий тилде (расмий эмес котормо) тиркелген долбоорлор жактырылсын:

1)  Кыргыз Республикасы менен Азия өнүктүрүү банкынын ортосундагы “Өзгөчө кырдаалдарды каржылоо (Атайын операциялар) (Кырсыктарда жардам көрсөтүүнү көп деңгээлдүү каржылоо программасы)” компоненти боюнча грант жөнүндө макулдашуу 1-тиркемеге ылайык;

2)  Кыргыз Республикасы менен Азия өнүктүрүү банкынын ортосундагы “Табигый кырсыктар болгон учурларга карата облигацияларды чыгаруу (Атайын операциялар) (Кырсыктарда жардам көрсөтүүнү көп деңгээлдүү каржылоо программасы)” компоненти боюнча грант жөнүндө макулдашуу 2-тиркемеге ылайык;

3)  Кыргыз Республикасы менен Азия өнүктүрүү банкынын ортосундагы Өлкөнүн кызматташуусу жөнүндө кат 3-тиркемеге ылайык.

2.  Кыргыз Республикасынын финансы министрине ушул тескеменин 1-пунктунда көрсөтүлгөн макулдашууларга принциптүү эмес мүнөздөгү өзгөртүүлөрдү жана толуктоолорду киргизүү укугу менен кол коюуга ыйгарым укук берилсин.

Кыргыз Республикасынын

Министрлер Кабинетинин

Төрагасы А.А. Касымалиев