КЫРГЫЗ РЕСПУБЛИКАСЫНЫН ӨКМӨТҮ

2008-жылдын 19-августу № 467

Кыргыз Республикасынын Министрлер Кабинетинин алдындагы Администрациялык-аймактык түзүлүштүн маселелерин жана географиялык аталыштарын кароо боюнча ведомстволор аралык комиссия жөнүндө

 (КР Өкмөтүнүн 2009-жылдын 15-январындагы №11,2009-жылдын 25-декабрындагы №805, 2010-жылдын 24-декабрындагы № 339, 2012-жылдын 30-апрелиндеги № 263, 2014-жылдын 27-августундагы № 488, 2016-жылдын 16-февралындагы № 69, 2016-жылдын 2-мартындагы № 97, 2018-жылдын 27-февралы №111, Министрлер Кабинетинин 2021-жылдын 29-декабрындагы № 353 токтомдорунун редакциясыяларына ылайык)

"Кыргыз Республикасынын  администрациялык-аймактык түзүлүшү жөнүндө" жана "Кыргыз Республикасында географиялык аталыштар жөнүндө" Кыргыз Республикасынын мыйзамдарын ишке ашыруу максатында Кыргыз Республикасынын Өкмөтү

ТОКТОМ КЫЛАТ:

1. Төмөнкү тиркелгендер бекитилсин:

- (абзац КР Министрлер Кабинетинин 2021-жылдын 29-декабрындагы № 353 токтомуна ылайык күчүн жоготту)

- Кыргыз Республикасынын администрациялык-аймактык түзүлүшүнүн маселелерин кароонун тартиби жөнүндө жана Кыргыз Республикасынын Министрлер Кабинетинин алдындагы Администрациялык-аймактык түзүлүштөрдүн маселелерин жана географиялык аталыштарын кароо боюнча ведомстволор аралык комиссиянын ишмердиги жөнүндө жобо;

- Кыргыз Республикасындагы географиялык объекттерди атоо, алардын аталышын өзгөртүү, географиялык аталыштарды эсепке алуу жана каттоодон өткөрүү тартиби;

- Мамлекеттик маанидеги объекттерге ат берүү жана атын өзгөртүү тартиби тууралуу жобо;

- Кыргыз Республикасынын географиялык объекттеринин аттарын латын алфавитинин тамгалары менен берүү жөнүндө жобо.

(КР Министрлер Кабинетинин 2021-жылдын 29-декабрындагы № 353 токтомунун редакциясына ылайык)

2. Төмөнкүлөр күчүн жоготту деп табылсын:

- "Кыргыз Республикасынын социалдык-экономикалык, физика-географиялык объекттерине ат берүүнү, атын өзгөртүүнү тартипке келтирүү боюнча чаралар жөнүндө" Кыргыз Республикасынын Өкмөтүнүн 1996-жылдын 27-сентябрындагы N 445 токтому;