КҮЧҮН ЖОГОТТУ

КЫРГЫЗ РЕСПУБЛИКАСЫНЫН ПРЕЗИДЕНТИ

2012-жылдын 26-декабры ПЖ № 268

Кыргыз Республикасынын Президентинин 2012-жылдын 24-ноябрындагы "Кыргыз Республикасын экономикалык туруктуу өнүктүрүү боюнча Улуттук кеңеш жөнүндө" Жарлыгына өзгөртүүлөрдү жана толуктоолорду киргизүү тууралуу

(КР Президентинин 2014-жылдын 27-февралындагы ПЖ № 35, 2014-жылдын 11-апрелиндеги ПЖ № 95 , 2014-жылдын 21-октябрындагы ПЖ № 182, 2016-жылдын 10-июнундагы ПЖ № 139, 2017-жылдын 14-мартындагы ПЖ № 50, 13 ноября 2017 года УП № 255, 22 марта 2018 года УП № 62, 2018-жылдын 19-июлундагы ПЖ № 152, 2018-жылдын 7-августундагы ПЖ № 165  Жарлыктарынын редакцияларына ылайык)

Кыргыз Республикасын экономикалык туруктуу өнүктүрүү боюнча Улуттук кеңештин (мындан ары - Кеңеш) мүчөлөрү, анын ичинде Кыргыз Республикасынын Жогорку Кеңешинин парламенттик фракцияларынын лидерлери тарабынан колдоого алынган Кеңештин иш жүргүзүү чөйрөсүн кеңейтүү жөнүндө Кыргыз Республикасынын Жогорку Кеңешинин Төрагасынын сунушун жана экономикалык өнүктүрүү артыкчылыктарын гана эмес, ошондой эле өлкөнү туруктуу өнүктүрүүнүн башка бардык маселелерин чечүүнү өзүнө камтыган Кыргыз Республикасын өнүктүрүү стратегиясын иштеп чыгууга жана жүзөгө ашырууга комплекстүү мамиленин зарылдыгын көңүлгө алуу менен,

ТОКТОМ КЫЛАМ:

1. Кыргыз Республикасын экономикалык туруктуу өнүктүрүү боюнча Улуттук кеңешти Кыргыз Республикасын туруктуу өнүктүрүү боюнча Улуттук кеңешке өзгөртүп кайра атоо жөнүндө сунуш кабыл алынсын жана анын курамы ушул Жарлыктын тиркемесине ылайык бекитилсин.

2. Кыргыз Республикасынын Президентинин 2012-жылдын 24-ноябрындагы № 251 "Кыргыз Республикасын экономикалык туруктуу өнүктүрүү боюнча Улуттук кеңеш жөнүндө" Жарлыгына төмөнкүдөй өзгөртүүлөр жана толуктоолор киргизилсин:

- аталышында жана бүткүл тексти боюнча "экономикалык туруктуу өнүктүрүү" деген сөздөр "туруктуу өнүктүрүү" деген сөздөргө алмаштырылсын;

- 2-пунктта "Кыргыз Республикасын экономикалык туруктуу өнүктүрүү боюнча Улуттук кеңештин курамы жана" деген сөздөр алып салынсын;

- жогоруда аталган Жарлык менен бекитилген Кыргыз Республикасын экономикалык туруктуу өнүктүрүү боюнча Улуттук кеңештин курамы күчүн жоготту деп табылсын;

- жогоруда аталган Жарлык менен бекитилген Кыргыз Республикасын экономикалык туруктуу өнүктүрүү боюнча Улуттук кеңеш жөнүндө Жободо:

2-пункттун бешинчи абзацынан тышкары, аталышында жана бүткүл тексти боюнча "экономикалык", "экономикасын", "экономикалык жактан" деген сөздөр алынып салынсын;

4-пунктта: