ТоктомКүчүндө

КР Өкмөтүнүн 2012-жылдын 29-февралындагы №154 «Салттуу билимдерди каттоого жана пайдаланууга укук берүүгө өтүнмө жана катталган салттуу билимдерди пайдаланууга укук берүүгө өтүнмө түзүүнүн, берүүнүн жана кароонун эрежелерин, Кыргыз Республикасынын Салттуу билимдеринин мамлекеттик реестрин жүргүзүү тартибин бекитүү жөнүндө» токтому

Номер: № 154
Кабыл алынган дата: 29 февраля 2012 года
Расмий жарыялоо: № 18 (кыр.) · 2 марта 2012 года
Реестрге киргизилген: 1 марта 2012 года
Чыгарган: Кыргыз Республикасынын Өкмөтү
Жрыялоо булагы: газета "Эркин-Тоо"
Редакциялар: 4
Документтин коду: 92939

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2012-жылдын 29-февралы № 154

Салттуу билимдерди каттоого жана пайдаланууга укук берүүгө өтүнмө жана катталган салттуу билимдерди пайдаланууга укук берүүгө өтүнмө түзүүнүн, берүүнүн жана кароонун эрежелерин

(КР Өкмөтүнүн 2015-жылдын 27-октябрындагы № 753, 2019-жылдын 20-февралындагы № 79 , КР Министрлер Кабинетинин 2024-жылдын 17-январындагы № 12 токтомдорунун редакцияларына ылайык)

Көңүл буруңуздар!

КР Өкмөтүнүн 2015-жылдын 27-октябрындагы № 753 токтому менен бул токтомдун расмий тилиндеги текстине өзгөртүүлөр киргизилди.

КР Өкмөтүнүн 2019-жылдын 20-февралындагы № 79 токтому менен бул токтомдун расмий тилиндеги текстине өзгөртүүлөр киргизилди.

«Салттуу билимдерди коргоо жөнүндө» Кыргыз Республикасынын Мыйзамын ишке ашыруу максатында Кыргыз Республикасынын Өкмөтү

ТОКТОМ КЫЛАТ:

1. Төмөндөгүлөр бекитилсин:

- 1-тиркемеге ылайык Салттуу билимдерди каттоого жана пайдаланууга укук берүүгө өтүнмө жана катталган салттуу билимдерди пайдаланууга укук берүүгө өтүнмө түзүүнүн, берүүнүн жана кароонун эрежелери;

- (КР Министрлер Кабинетинин 2024-жылдын 17-январындагы № 12 токтомуна ылайык күчүн жоготту)

(КР Министрлер Кабинетинин 2024-жылдын 17-январындагы № 12 токтомунун редакциясына ылайык)

2. Бул токтом расмий жарыяланган күндөн тартып күчүнө кирет.

Премьер-министр

Ө. Бабанов

1-тиркеме

Кыргыз Республикасынын Өкмөтүнүн 2012-жылдын 29-февралындагы N 154 токтому менен бекитилген

Салттуу билимдерди каттоого жана пайдаланууга укук берүүгө өтүнмө жана катталган салттуу билимдерди пайдаланууга укук берүүгө өтүнмө түзүүнүн, берүүнүн жана кароонун ЭРЕЖЕЛЕРИ

(КР Өкмөтүнүн 2015-жылдын 27-октябрындагы № 753, 2019-жылдын 20-февралындагы № 79 токтомдорунун редакцияларына ылайык)

Бул Эрежелер коргоо алууга укугу бар адамдардын чөйрөсүнүн өтүнмө берүү жол-жоболорун жөнгө салат, ошондой эле берилүүчү өтүнмөгө жана аларга тиркелүүчү документтерге коюлуучу талаптарды белгилейт, салттуу билим деген түшүнүктү аныктайт, салттуу билимдер катары катталуучу объектилерди тактап белгилейт.