КЫРГЫЗ РЕСПУБЛИКАСЫНЫН ӨКМӨТҮ
ТОКТОМ
2020-жылдын 13-февралы № 79
Бажы иши чөйрөсүндөгү айрым маселелер жөнүндө
(Кыргыз Республикасынын Өкмөтүнүн 2020-жылдын 29-апрелиндеги № 223, Кыргыз Республикасынын Министрлер Кабинетинин 2022-жылдын 20-майындагы № 267, 2022-жылдын 12-июлундагы № 375, 2022-жылдын 27-сентябрындагы N 538 , 2024-жылдын 25-мартындагы № 131, 2025-жылдын 9-январындагы № 1, 2025-жылдын 10-июлундагы № 406, 2025-жылдын 19-сентябрындагы № 592, 2026-жылдын 29-июнундагы № 444 токтомдорунун редакцияларына ылайык)
"Бажылык жөнгө салуу жөнүндө" Кыргыз Республикасынын Мыйзамынын талаптарын ишке ашыруу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:
1. Төмөнкүлөр бекитилсин:
- Айрым бажы жол-жоболорун колдонуу боюнча нускама, 1-тиркемеге ылайык;
- Бажы төлөмдөрүн, атайын, демпингге каршы жана компенсациялык алымдарды эсептөөнү жана төлөөнү контролдоо боюнча нускама, 2-тиркемеге ылайык;
- Товарларды бажы контролунда убактылуу сактоо жөнүндө жобо, 3-тиркемеге ылайык;
- Бажылык коштоо жөнүндө жобо, 4-тиркемеге ылайык;
- Эркин кампа жөнүндө жобо, 5-тиркемеге ылайык;
- Бажы өкүлдөрүнүн жана электрондук соода операторунун кызматкерлерине квалификациялык талаптар 6-тиркемеге ылайык;
- Убактылуу сактоо кампаларынын, бажы кампаларынын жана электрондук соода кампаларынын инфраструктурасына, техникалык жабдуусуна жана иштөө режимине талаптар 7-тиркемеге ылайык;
- Бажы контролунун зонасын түзүү жана белгилөө тартиби, 8-тиркемеге ылайык;
- Бажы контролунун техникалык каражаттарын колдонуу тартиби, 9-тиркемеге ылайык;
- Бажылык экспертиза дайындоо, бажылык экспертиза жүргүзүүдө сынамдарды жана үлгүлөрдү тандоо тартиби, 10-тиркемеге ылайык;
- Кош коридор системасын колдонуу менен товарларды бажылык контролдоо тартиби, 11-тиркемеге ылайык;
- Бажылык текшерүү тартиби, 12-тиркемеге ылайык;
- Конфискацияланган же Кыргыз Республикасынын менчигине (кирешесине) өткөрүлгөн же өндүрүп алынган чет өлкөлүк товарларды, ошондой эле бажы органдары тарабынан кармалган товарларды сатуу же жок кылуу тартиби, 13-тиркемеге ылайык;
- Бажы ишинин маселелери жана бажы органдарынын компетенциясына кирген башка маселелер боюнча консультация берүү тартиби, 14-тиркемеге ылайык;