КЫРГЫЗ РЕСПУБЛИКАСЫНЫН ѲКМѲТY

2015-жылдын 16-июну № 369

Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө

(КР Өкмөтүнүн 2015-жылдын 10-июлундагы № 480 токтомунун редакциясына ылайык)

Калкты социалдык коргоо системасынын кызматкерлеринин айрым категорияларынын эмгегине акы төлөө системасын өркүндөтүү максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2011-жылдын 19-апрелиндеги № 170 "Калкты социалдык коргоо системасынын кызматкерлеринин айрым категорияларынын эмгегине акы төлөөнүн шарттары жөнүндө" токтомуна төмөнкүдөй өзгөртүүлөр киргизилсин:

- бүткүл тексти боюнча "үй-интернаттардын", "үй-интернаттарынын" деген сөздөр тиешелүү түрдө "социалдык стационардык мекемелердин" жана "социалдык стационардык мекемелеринин" деген сөздөр менен алмаштырылсын;

- жогоруда аталган токтомдун 1-тиркемеси ушул токтомдун 1-тиркемесине ылайык редакцияда баяндалсын;

- жогоруда аталган токтомдун 3-7-тиркемелеринде:

аталыштарында жана бүткүл тексти боюнча түрдүү жөндөмөдөгү "үй-интернаттар" деген сөздөр тиешелүү жөндөмөлөрдө "социалдык стационардык мекемелер" деген сөздөр менен алмаштырылсын.

2. (КР Өкмөтүнүн 2015-жылдын 10-июлундагы № 480 токтомуна ылайык күчүн жоготту)

3. Ушул токтом расмий жарыяланган күндөн он күн өткөндөн кийин күчүнө кирет.

Премьер-министр

Т.А. Сариев

1-тиркеме