КЫРГЫЗ РЕСПУБЛИКАСЫНЫН МИНИСТРЛЕР КАБИНЕТИНИН ТЕСКЕМЕСИ

2025-жылдын 11-апрели № 277-т

Автобекеттерди жана автостанцияларды натыйжалуу пайдалануу максатында, Кыргыз Республикасынын Министрлер Кабинетинин 2019-жылдын 11-сентябрындагы № 468 "Мамлекеттик ишканалардын ишин тартипке келтирүү тууралуу" токтому менен бекитилген Мамлекеттик ишканалар жөнүндө жобонун 60-пунктуна, "Мүлккө муниципалдык менчик жөнүндө" Кыргыз Республикасынын Мыйзамынын 5, 6-статьяларына, Кыргыз Республикасынын Граждандык кодексинин 96-статьясына, "Кыргыз Республикасынын Министрлер Кабинети жөнүндө" Кыргыз Республикасынын конституциялык Мыйзамынын 13, 17-беренелерине ылайык:

1. Кыргыз Республикасынын Министрлер Кабинетине караштуу Мамлекеттик мүлктү башкаруу боюнча мамлекеттик агенттик белгиленген тартипте төмөнкүлөрдү муниципалдык менчикке өткөрүп берсин:

1) Каракол шаарынын мэриясына сакталышын жана максаттуу иштешин камсыз кылууну эске алуу менен тиешелүү мүлктүк комплекстери, штаттык саны жана милдеттенмелери менен иштеген жери боюнча автобекеттерди жана автостанцияларды;

2) Чолпон-Ата шаарынын мэриясына "Чолпон-Ата автобекети" мамлекеттик ишканасын;

3) Балыкчы шаарынын мэриясына "Балыкчы автобекети" мамлекеттик ишканасын.

2. Кыргыз Республикасынын Ысык-Көл облусунун Каракол, Чолпон-Ата, Балыкчы шаарларынын мэрияларына белгиленген тартипте төмөнкүлөр сунушталсын:

1) ушул тескеменин 1-пунктунда көрсөтүлгөн өткөрүп берилүүчү объекттерди муниципалдык менчикке кабыл алуу жана сакталышын камсыз кылуу;

2) ушул тескеменин 1-пунктунда көрсөтүлгөн өткөрүп берилүүчү объекттерди мамлекеттик кайра каттоону жүргүзүү;

3) өткөрүп берилүүчү объекттерди жергиликтүү бюджеттердин каражаттарынын эсебинен күтүүнү жана андан ары тейлөөнү жүргүзүү;

4) өткөрүп берилүүчү объекттерди максаттуу багыты боюнча гана пайдалануу;

5) өткөрүп берилүүчү объекттерди андан ары ээликтен ажыратууну жүргүзбөө;

6) ушул тескемеден келип чыгуучу зарыл шарттарды көрүү.

3. Бул тескеменин аткарылышын контролдоо Кыргыз Республикасынын Президентинин Администрациясынын Президенттин жана Министрлер Кабинетинин чечимдерин аткарууну контролдоо башкармалыгына жүктөлсүн.