КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2017-жылдын 18-августу № 495

Маданият, искусство жана маалымат мекемелеринин типтүү чектелген штаттарын бекитүү жөнүндө

Кыргыз Республикасынын Маданият, маалымат жана туризм министрлигинин мекемелеринин иштерин тартипке салуу максатында, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 10 жана 17-беренелерине ылайык Кыргыз Республикасынын Өкмөтү токтом кылат:

1. Маданият, искусство жана маалымат мекемелеринин типтүү чектелген штаттары бекитилсин:

республикалык, облустук, райондук, шаардык жана айылдык китепканалардын, 1-тиркемеге ылайык;

республикалык, облустук, райондук, шаардык жана айылдык музейлердин, 2-тиркемеге ылайык;

клубдук мекемелердин, 3-тиркемеге ылайык;

А.Малдыбаев атындагы В.И.Ленин ордендүү Кыргыз улуттук академиялык опера жана балет театры" мамлекеттик мекемесинин, филармониялардын жана А.Жумахматов атындагы Кыргыз мамлекеттик академиялык симфониялык оркестринин, 4-тиркемеге ылайык;

драмалык жана музыкалык-драмалык театрлардын, Бакен Кыдыкеева атындагы Кыргыз мамлекеттик жаш көрүүчүлөр театрынын жана куурчак театрынын, 5-тиркемеге ылайык;

"Кыргыз улуттук "Манас" театры" мамлекеттик мекемесинин, 5¹-тиркемеге ылайык;";

"Ынтымак" коомдук региондук телерадиокомпаниясынын, 6-тиркемеге ылайык;

«Кыргыз Туусу» маалымат-басма үйүнүн 7-тиркемеге ылайык;

маданият, искусство жана маалымат мекемелеринин жана уюмдарынын борбордоштурулган бухгалтерияларынын, 8-тиркемеге ылайык;

Кыргыз Республикасынын Маданият, маалымат, спорт жана жаштар саясаты министрлигинин алдындагы Кинематография департаментинин "Т.Океев атындагы "Кыргызфильм" улуттук киностудиясы" мамлекеттик мекемесинин, 9-тиркемеге ылайык;

"Кыргызсериал" чыгармачылык-өндүрүштүк бирикмеси" мамлекеттик мекемесинин, 9¹-тиркемеге ылайык;

Республикалык мамлекеттик фильм фондусунун жана Чыңгыз Айтматов атындагы республикалык Кино үйүнүн дирекциясынын, 10-тиркемеге ылайык;

облустук, райондук жана шаардык кинодирекциялардын, 11-тиркемеге ылайык;